la rosa :

صباح الخير يا بنات انا كنت دخلت من فترة وكنتو بتتكلمو عن المدارس وايهم احسن فى الامارات ممكن ترشحولى مدرسة كويسه فى عجمان او الشارقةلان فى واحده صاحبتى عزيزة على عايزة تغير لولادها المدرسة لان مش عاجباها مستواهم وسالت فى مدارس تانية بس عايزة تعرف من حد مجرب مدرسة كويسه لان اغلب المدارس بيعتمدو على البيت فى التدريس هى عايزة مدرسة يكون مستواها التعليمى والتربوى فوق الممتاز ياريت تردو على بسرعة

صباح الخير يا بنات انا كنت دخلت من فترة وكنتو بتتكلمو عن المدارس وايهم احسن فى الامارات ممكن...

Goldy :

مساء الخير يا بناتيت عاملين ايه، ايه الحاجات الحلوة دى اشمعنى انا معنديش حاجات بتنور كده. كتكوتة ميرسى يا حبيبتى انا هابعت لك الايميل على الخاص وسورى اذا كنت هاتعبك معايا بس والله ملك جننتنى ان شاء الله تنضمى لفريق المجانين فى القريب العاجل.بس بلاش تبصى للولد اللى فى توقيع ماجى اصل دمه تقيل هى كانت قبل كده منزلة صورة بنت زى القمر دورى عليها وخليها عندك، انا معلقة امل كبير عليك لان الانتاج عندى مصرى شعبى صميم. كلبوزة ميرسى على النصيحة بس انا خايفة ان الضرب يعقدها وبيقى عندها تبول لا ارادى بعد كده. سما احنا لازم نشوف لنا حل مع العيال دى دول عصابة مش اطفال. يا جماعة انا قلقانة قوى على سنسن لو حد يعرف حاجة عنها يا ريت يطمنا. انا عندى فكرة عاوزة آخد رايكم فيها وهى بخصوص أموال الزكاة، طبعا كلنا عارفين أوضاع ناس كتيرة فى مصر عاملة ازاى وخصوصا الناس اصحاب الامراض الخطيرة واللى فى اوقات كتيرة بتبقى محتاجة تعمل عمليات ضرورية بس مش معاها الفلوس اللازمة أو الناس اللى بتغسل كلى، طيب لو احنا جنبنا مبلغ من أموال الزكاة بس بشرط متعديش السنة عليه وخصصناه للحالات الطارئة اللى بنسمع عنها يعنى لو كلنا اشتركنا ممكن نغطى تكاليف عملية كبيرة وتنقذ حياة مريض، انا الفكرة دى بافكر فيها من السنة اللى فاتت من وقت ما لقيت مجموعة من اصحابى بيعملوها فى مصر، يعنى فى واحدة ما شاء الله هيئة خيرية متنقلة بتدور على الناس دى وبتوصلهم بنفسها وبعد كده تبدأ تتصل بالناس وترتب كل حاجة، انا باشوف وائل الابراشى فى دريم بيجيب حالات تقطع القلب. انا قصدى مبلغ الزكاة لأن المبلغ ده لازم يطلع كل سنة لكن الصدقات بتبقى كل واحد وقدرته المالية يعنى ممكن شهر يكون قادر وظروفه تسمح وشهر تانى عنده التزامات كتيره ومش قادر. يا ريت نتشارك فى الافكار بخصوص الموضوع ده.

مساء الخير يا بناتيت عاملين ايه، ايه الحاجات الحلوة دى اشمعنى انا معنديش حاجات بتنور كده. كتكوتة...