hi ya rana
antee online??? 3la al msn wala laah??

السلام عليكم ورحمة الله على بنات مصر الحلوين

اهلا ببنت مصر نورتي التجمع وفكرتك حلوة أوي ان كل واحدة تكتب خبراتها عشان الكل يستفيد
بس أنا معنديش لسه خبرات لاني لسه في مصر بس باستعد نفسيا معاكم :32:
أتمنى كل واحدة تحكي عن أول أيام ليها في الغربة لما راحت لقت الوضع ازاي والانطباعات الاولى والنفسية كان أخبارها ايه وكده يعني

بخصوص وزني انا وزني بعد رمضان زايد 79.5 ورحت لدكتور تغذية من اسبوع كده وعملت معاه دايت ورحت امبارح استشارة ونزلت 2.5 كيلو في اسبوع طبعا باعمل كمان حاجة اسمها جلسات تنسيق قوام عشان انزل من مناطق معينة :22:
واسمع كتير ان الوزن بيزيد في الغربة عشان النفسية بتكون مش مستقرة والله أعلم بس انا اتمنى أخس لما اروح كندا

سبانش ممكن تجربي جلسات التنسيق دي على البطن ناس جربوها وبيقولوا نتيجتها ممتازة

ازيك يا أشطر واحدة عاملة ايه
طبعا أنا مليش في موضوع الحمل والولادة ده بس مش عايزاكي تزعلي دول موقعين اتمنى يفيدوكي بس بصراحة معنديش أي فكرة عن النتيجة بس على ما اسمع ان الكريمات دي بتجيب نتيجة بس بعد فترة طويلة من الاستخدام

http://www.barmon.com/other/index.html

http://www.drugstore.com/qxp58239_333181_sespider/vita_k/solution_for_stretch_marks.htm


سن سن ازيك؟ الصراحة الواحد احسن انه يكون مش تخين بس لازم تهتمي بنوع الاكل عشان النونو
ربنا يقومك بالسلامة ويقويكي على العزومة بس ممكن تفهميني يعني ايه الاكل هنا مش زي مصر
اصل حسب ما كنت فاهمة ان نوعية الاكل هناك بتخلي الوزن يزيد .. ممكن توضيح بسيط؟

رنونا ازيك والله صعبانة عليا يا بنتي فيه ستيكرات عليها الحروف العربي بتتلزق على الكيبورد الانجلش ابعتيلي عنوانك على الخاص وابعت لك واحدة ومش حالك مؤقتا بلوحة المفاتيح العربي دي

لوحة المفاتيح العربية
تعرفي اني اشتريت كيبورد عربي وحطاها في الشنطة اول حاجة
ربنا يتمم لك الحمل بخير ان شاء الله واهم حاجة نوعية الاكل وعلى فكرة يا بنات ركن الطفل هنا والحمل فيه مشاركات مفيدة جدا جدا روحوا هناك اقروا واستفيدوا

وبجد متشكرة اوي على دعواتك ليا بس سنة كتيراوي :( يا رب الموضوع ميوصلش لكده لحسن خلالالالالالالالاص الواحد مش بقى مستحمل حالة اللا شيء دي لا شغل ولا جواز ولا مش جواز ولا اي حاجة الله المستعان
انا بدأت في الاجراءات من شهر 5 اللي فات واوراقي وافقوا عليها في كندا وبعتوها مصروحاليا في السفارة المصرية كان فيه ورقة ناقصة بعتوا طلبوها وبعتهالهم من يومين ولسه مش عارفة بأة هيحصل ايه رجاء خاص تدعولي ربنا ييسر ويجمعني بجوزي على خير ان شاء الله
طبعا انا نوع التأشيرة بتاعتي اقامة دائمة تبع الزوج يعني كملت 6 شهور وشوية والحمدلله

فين باقي البنات ؟ هنا الملتقى الكبير لبنات مصر في الغربة :26:

حبيباتى سبانش
سن سن
شطورة
الوردة الفريدة
رانونا
الله يكرمكم اهلا بيكم كلكم اخجلتوا تواضعى
اه الوزن عندى ضرب زدت كتير عن اول ما جيت
وزى ما قالت رانونا الغربة السبب فطلعت زهقى فى تجريب انواع مختلفة من الكيك على البسكوت ودلوقتى باحاول جاهدة انزل سلم الوزن بس ده السلم الوحيد اللى طلوعه اسهل بكتيرررررر من نزوله:(
====كريمات الشد للصدر او غيرها الحقيقة الكريمات انا اخاف منها بس فى تمرينات مع المداومة بتأثر شوية ====
======----- انا عندى مشكلة اللى عندها حل لها ياريت تقوللى ال 11 ال 11 اللى فى القورة (الجبهه) عاملة اثر كبير
وبدأت تأثر على شكلى وانطباعاتى :( لأ وسنى :(:(
ايه الحلول اللى عندكم دلونى يا اهل السبيل ---------

صباح الخير يا مصرويات

الســــــــــــــــــــلام للجميع طبعا

اخباركم ايه ان شاء الله الكل يكون بخير

انا كنت معاكم لحد موضوع العمر وبعدين دخلتوا على الاوزان ......ايه المواضيع المحرجة دي

عمري وقلته والظاهر اني طلعت الماما بتاعتكم ......اما وزني ....برضه هنحكي الحكاية

انا قبل ما تزوج كان وزني ما حصلش الخمسين كيلو ..... واتذكر اول يوم جيت على الامارات زوجي قاللي انتي خسيتي قوي ...طبعا البعاد كان عامل عمايله معايا ..وطلعت على الميزان لاقيت وزني 49 كيلو ...المهم بعد شهر كنت حامل وبدأت اتنفخ واتنفخ واتنفخ لحد ما وصلت الاسبوع الاول من التاسع لدرجة الممرضة زعقت معايا ...لسة قدامي 3 اسابيع ..وطبعا انا طلعت من عندها ورجعت بعد يومين على الولادة وكان وزني وقتها كان ................... ما تتخضوش .... 86 كيلو..

واللة قاهرني بالموضوع ان البنت نزلت 2 كيلو و600 جرام يعني ما حصلتش 3 كيلو مع الملحقات كل الموضوع 5 كيلو والفرق كله كان بجسمي
بس على مين ..... انا مع الرضاعة الطبيعية وزني نزل كتير بس يادوب بنتي تمت السنة وفكرت في مشروع بطاطس تاني ... وجالي احلى بطاطسايه ...ومن بعدها يا جماعة الخير بدأت احافظ على وزني لزوم الاناقة ....والان الوزن الحالي مع الزيادة اللى زدتها في العيد من الكحك والبتي فور والذي منه وصلت 67 كيلو وطولي 163 سم يعني الزيادة عندي 4 كيلو ... ودول محوشاهم علشان لما انزل مصر اخسهم هناك..

طبعا كلنا من مصر

بس حابة كل واحدة تكتب منين من مصر ....يعني من اي محافظة واللى حابة تكتب المنطقة ما في مانع

هنــــــــــــــــــا تجمـــــــــــــــــــــع الاخـــــــــــــــــــــوات الاسكندرنيات عند ماما اوزوريس

هههههههههههههههههههههههههههههه