رنونه ازيك ( حلوه رقيقه منك )
بصى يا ستى انا عرفت جوزي عن طريق شغلى تخيلى انا من مدينه ورحت اشتغلت في مدينه تانيه سبحان الله كانى رايحه لنصيبى
اتعرفت عليه هناك لانه كمان اخته كانت زميلتى في المكتب وهو كان مهندس معانا في نفس الشركه
بس يا ستى 3 شهور بالظبط واتخطبنا
3 اسابيع وسافر ابوظبي وبعد 10 شهور نزل اتجوزنا والقصه دي مش من بعيد يعنى اخر يوم في 2004كانت الخطوبه و اخر 2005 كنا متجوزين ( 4 ديسمبر 2005 ) بس يا ستي وانا حاليا معاه في ابوظبي من فبراير


اشطر واحده

انتى فينك مختفيه على النت فينك تحكيلي عملوا فيكي ايه ؟؟؟ مش قلتلك دوري على مدرسه هنديه هيخافوا منك ( هيا تبريقه وشخطه تلاق Super Visor كشت عالطول
يلا ربنا يعينك هما هيلاقوا زيك فين دا انتى طول عمرك( شااااطره) اقصدى اشطر واحده

مساء الخير بنات مصر الحلوين

اخباركم ايه ...أعذروني على التأخير لان ابو الشباب بالبيت وكل مل اعقد على النت العفاريت تركبه

انا قلت أمسي على السريع ومن اول ما المدارس تفتح يوم الاحد هقوم بدري وارغي معاكم

رنووووون انا اسم ابني حسام مش احمد ................وبلاش تبشري عليا بأحمد لاني لسه حاطة لولب جديد وقلبي مش مطمني منه .....مش عارفة ليه المرة دي قلقانة

مصرية رقيقة

كيف احوالك انت مختفية ليه اليومين اللى فاتوا

على العموم فيه مكان احلى من الهافانا فتح جديد في نادي البحرية قعدة على البحر جميلة جدا بس لو روحتي هناك انتبهي احسن الويتر هناك مولعانها سرقة يعني تشوفي القائمة الاول علشان تعرفي الحساب..............انا روحت 4 مرات لحد دلوقت بس بدقق معاهم لان انا ماحبش حد يسرقني غصب عني ....انا احط10 درهم بقشيش بمزاجي ..... ولا ياخد مني درهم غصب عني

لي رجعة بإذن الله

وسلامي للجميع نفر نفر ....أقصد نفرايه نفرايه

يا دى النعيم يا دى الهنا بقى لى اصحاب على النت وبقى لنا بيت نتكلم فيه والفضل لله ثم لك يا spanish
ازيكو يا شابات مصر الحلوات كلكو كلكو كلكو
حلو الكلام عن الزواج بيفكرنى بالذى مضى اصلى جوزى حبيبى كان زميلى فى الدراسة جاء من بلد ثانى وانا حولت من كليتى لكلية ثانية عشان نتقابل !!!!!!!!!!
بس شافنى وحبنى وحطنى فى دماغه وبعدين اكيد اتقدم واترفض واتقدم ثانى واتقبل (بعد اصرار وضغوط منى)
والحمدلله اتجوزنا وسافرنا واهىىىىىىىىىىى ساعة الرضا بتبقى احلى جوازة
وساعة اللى مش رضا بتبقى هيه ديه اخر جوازات العيال ههههههههههههههههههههههههههههههههههههه
يلا كل واحدةتحكى لنا عن لعبة القدر والنصيب معها سبحان الله الجواز مهما قلتى اختار بيكون اختيارك مرتب من قبل والله سبحانه وتعالى اعلم

زوزو ليه مش عايزة احمد انا بافكر فى كمان بيبى يلا نعملها سوا؟؟؟؟

يا جماعة ايه حكاية العيد فى شوارع القاهرة حد سمع عنها من اهله اللى فى مصر
بيقولوا تحرش بالبنات وخطف فى النهار ده صحيح ولا اشاعااات ؟

السلام عليكم يا بنات
ماشاء الله دا انا قلت لما افتح الموضوع مش هلاقي حد يرد عليا
الحمد لله
ازيكم جميعااااااااااااااااااااا
بنت مصر انا سمعت عنها فعلا بس كتير قالوا اشاعات و قالوا ان فعلا العيد كان عباره عن استعراض للمفاتن في الطريق العام
بناااات
ياريت كلنا اللي تقرا الكلام ده تدعي النهارده في كل صلاه لفلسطين ربنا ينصرهم يااارب
و لمصر ربنا يردها للصوااب و يهديها
انا لسه قاريه امبارح عن الحمله اللي عاملينها علي الحجاب و النقاب في مصر و انها حمله سياسيه منظمه ربنا يستر علينا و علي اولادنا لما نرجع ان شاء الله
هاحكيلكم قصه جوازي في المداخله الجايه ان شاء الله
قبل ما امشي سنسن عامله ايه دلوقتي طمنينا عليكي