صباح الخير يا بنات
اصبح ع اسريع واروح انكش في الادويه....صاحيه النهارده عندي تيبس في كتفي مش عارفه احرك
رقبتي...مش عارفه برد ولا من المخده ومش بعرف ابص لا يمين ولا شمال..لازم الف بجسمي كله
ومنظري يضحك والله ضحكت اصلي مش عارفه ارفع راسي لفوق عشان ابص واعرف الساعه كام
والراجل اقول له الصبح اغديكم ايه؟؟يقولي اي حاجه ...مانتي مستلوحه فيها

الاول نسلم على كلابيزو....مرحب وشرفت يا متختخ...اموت انا ف اللحمه السمينه يا صفايح الذبده السايحه...يا براميل الجبنه النايحه....معلش اتعدل بس من اللوحه اللي ف رقبتي وارجع احييكي تاني

رونا
دي حتى الايام دي المفروض ان الدنيا هايصه عشان الكريسماس صح؟؟ابقي خدي ام منه واتسنكحو
ف المحلات واليومين يفوتو بسرعه...ويرجع لكم بالسلامه

شيري
انتي كمان جوزك مسافر وحتعيدي لوحدك؟؟؟تلاقيكي فرحانه عشان حتلهفي الخروف لوحدك بالهنا

ام منه..يا ام منه..دا احنا منك وانتي منا
عايشه ف مصر ف فلنلاندا اسلامنا هوه ديناه
جارتي وساكنه ف سموحه...طيبه عسوله وبحبوحه
كان نفسي اكتب لك اكتر..معلش رقبتي ملوحه