صبح الخير يا بنات
وحشتوني جدا بس حصل لي ظرف غريب ح احكي لكم عليه
شطوره...الاعلان جاب نتيجه والعسكري جرجرني من قفايا على الملف
شوفو اللي حصلي ويعلم ربنا ان ليس به اي مبالغه وما احكيه هو الصدق
العيال عملو عليا انقلاب وصممو يجيبو المعزه وجابوها ولاد ال....ولاد الانقلاب
الكلام ده كان الحد الصبح.....وانا اصلا قرفانه من موضوع رقبتي ...المهم جابوها قصدي جابوه لانه
جدي (زوج المعزه)
حطيته ف الجنينه...وطول اليل يماما بطريقه مش معقوله وعايز يقطع الحبل...ما عرفناش ننام منه
المهم ما عرفتش ادخل الملف من كده...استعداد لحضرته
النهارده الصبح لقيت الكهربا مقطوعه...واكتشفت ان الجدي نطح صندوق الكهربا وعمل ماس
وفين وفين لما الشركه جت صلحته...اول ما جت الكهربا دخلت على طول...يعني النهارده طابخه على الضلمه ولان العيال مش عارفين ياخدو الدرس ف جارتي قالت لي هاتيه عندي لحد الاستاذ المدرس ما يمشي...وهيه بتجروه من الجنينه اكتشفت انه اكل كولت البلوزه الحرير بتاعتي...كنت ح اعيد بيها
غسلتها ونشرتها على الحبل...وابن اللذين قرضها
عارفين كان نفسي افكه من الحبل واسيبه ف الشارع...او اسيب عليه الخروف بتاع سبانش عشان يربيه...ومن ساعتها وهو عند جارتي كتر خيرها...بعد ما ساعدتني ف النضافه بعد الفوضى بتاعت
شركة الكهربا...ربنا يستر عليها انا حزرتها منه
لي رجعه بس بكره لان الدار يضرب يقلب يعني اخر كركبه وان شغاله ب اتجاه واحد وعلى مهليييي خالص اشوفكم بكره وماتحرمش من سؤالكم عني
صبح الخير يا بنات
وحشتوني جدا بس حصل لي ظرف غريب ح احكي لكم عليه
شطوره...الاعلان جاب نتيجه...
وكل سنه وانتي طيبه