سنسن......وحشتيني بادعي لك انت وشيرن ورنونه
شطوره....اخبار سنانك ايه ؟؟؟
بنت مصر....كيف كان العيد؟؟
الورده....ريحتك وحشتنا ..ارجعي
سهلوله....فينك؟؟؟
وسام طمنينا على بنتك.
ام عصمت...ما قولتيليش اسم اخت عصمت ايه؟؟
سما سحاب..ربنا يصلح لك الحال وتكون السنه دي احسن من اللي فاتت يارب
سبانش....مش انا قلت لكم لما اللي ف مصر يرجعو مش حنشوفها؟؟طلع كلامي صح
ام منه...رونا...يارب تكوني احسن شويه،لان عجلة الحياه لازم تسير وعشان البنات ربنا يحميهم

لوشا...مافيش حل ليكي (هوبلس) ياماما
كنزى...زوروني كل سنه مره حرام تنسونا بالمره
جولدي...ملوكه حرارتها عامله ايه؟؟
رواء الاسلام...قلتي ح اشارك من مصر بس يظهر من لقي احبابه نسي اصحابه
خايفه اكون نسيت حد واكيد مكعبات الشوربه قامت بالواجب مع الذاكره ف تحياتي للجميع

السلام عليكم يا بناتيت
ازيكم جميعاااااا
ام منه ياريت تطمنينا علي ام رنا
اهلا بيكي يا نانوو معانا و ان شاء الله تتبسطي معانا جداا لان معانا ناس زي السكر
ام اكرم باشا انا اهوه و الله مش اختفيت و لا حاجه
انا متضايقه جامد من شعري و حطيت مشكلتي في قسم الشعر هنا في المنتدي و مخدتش اجابه مريحه
شعري بيقع جداا مع اني باخد فيتامينات و اوقات باعمل حمام زيت بس مش مداومه و شعري باغسله بدووف
اعمل ايه بس حد يديني حل

السلام عليكم ورحمة الله وبركاته سبانش حبيبتى انا حا سه بشعرك وبنفسيتك لان دى حصل لى من 2 سنه بس كانت نفسيتى هى السبب انت حاولى تهدى اعصابك على الاخر لان الدنيا دى ولا تسوى وزى ماقلت لك اعملى تشك اتاكدى انه الهيموجلوبين كويس وانت طبعا ادرى بالتحاليل بما نك دكتورة وبعدين اسالى اليابانيين عن اى شامبو طبيعى دول حقن يابنتى منتيش شايفه شعورهم عقدونا والله انا مش عارفه اسواقكم فيها ايه كنت قلتلك بس على العموم فى حاجه اسمها الميزو سوب اليابانيين بيستخدموها وبيشربوها وهى مفيده جدااا وبتبنى الجسم من الاول وبتزيل السموم من الجسم وبترفع الهيموجلوبين اوى فى اسبوعين حاولى تجيبيها واهم حاجه الشامبو يكون ميلد مافيهوش الماده الى هى لوريت سلفات وانا عندى استعداد اجبلك بانتوجار لو انت محتاجاها بجد مش عزومه مراكبيه وربنا يوقف التساقط الى فى شعرك حببتى

السلام عليكم جميعا ازيكم ياحبايبى كلكم بصراحه بخاف اقول اسامى ازعل حد منى لو نسيته رنون حبيبتى ايه اخبارك يقلبى يارب تكونى باحسن حال وبصى ادعى لبابا كل متفتكريه حتفيديه اوى عارفه بعد موت حماتى انقهرت مش زعلت وبايت مصدومه واحس انها داخله على اوضة نومى ولسعت شويه بس بايت ادعى لها كثيير واشوفها وانا نايمه واقوم فرحانه وصدقينى كل شى ء بيبدا صغير وبيكبر الا الموت ببدا كبير وبيصغر شوى شوى وده من نعمة ربنا ياحبيبتى وربنا يصبرك