حبيبتى ايناس انا عارفه انها شديده شويه بس صدقينى جابت نتيجه
و الحمد لله لما بتذاكر اللى و رها يوم بيوم بيكون سهل عليها فى الامتحانات و بتفكر اول ما بترجع من المدرسه انها تخلص الى ورها علشان متخدش عقاب
و حبيبتى انا امها عمرى محكون قاسيه عليها الا لمصلحتها و هى فاهمه كده و كمان فى حاجه انتى عارفه المدارس الخاصه و بتحتاج اد ايه مذاكره و مجهود و الله غير ايمنا احنا مدارس الحكومه يلا تنجح و خلاص

اوزا
فكرتيني بالذي مضى...انا سافرت مع جوزي رجلي على رجله...والباقي بقى مش فاكره...بس كل اللي فكراه اني كنت وظوظة ولسه بخيري

حبيبتى اوزريس شكرا على كلامك وربنا يخليلك تسنيم و حسام و تشفيهم فى احسن حال و يبارك فيهم
يا رب لانى تربيه الاطفال مش سهله بالمره و خصوصا الجيل الجديد
بالنسبه لعمرى 35 سنه
و بالنسبه لى ايناس ربنا يخليلك جميله و حسن يا رب و تفرحى بيهم و يبارك ربنا فيهم و كمان
اعتذر عن انى كتبت عمر بنتى خطا و الله اسفه بعد مكتبتلك الرد سرحت شويه فى ردك و بعدين جمعت هي 8 فى الصف الثالث الابتدائى بسنت و كريم 2 سنه هه و بس

أزيك يا بنات يأمورات اخباركم ايه ؟؟
جيل المستقبل اهلا بيكي معانا

حلو يا أوزو الموضوع بتاعك

أنا بقا بحب أول يوم جيت فيه جدا لأنى كنت متجوزه بقالى شهرين ونص يادوب بعد شهر العسل جوزى سافر وبعتلى بعدها بشهر ونص طبعا كنت طاااااااااااايره من الفرحه وناسيه بقا الغربه وانى هابعد عن ماما واخواتى
المهم برده كانت اول مره اركب طياره وبقيت مبسوطه واقول هما ليه بيخافوا منها بصراح الطيران رحله ممتعه
بس ياستى نزلت مطار ابوظبي لقيت جوزى في انتظارى رحت الشقه طبعا كنت هلكانه من السفر نمت ونزلنا بليل اتغدينا ولفينا وطبعا كنت فرحاااااااااانه جدا
أيام حلوه بجد وعلى فكره مش من زمان يادوب من نص فبراير اللى فات

السلام عليكم ورحمة الله وبركاته انا باة الحاله الغريبه الى فيكم عشت هنا واجوزت فى مصر اقصد الفرحكان فى مصر وبعد شهر العسل رجعت رجلى على رجله طبعا لانى اصلا اهلى عايشين فى الامارات بس الحاجه الوحيده انى سبت دبى وعشت فى الشارقه وكنت بحب دبى موت بس سبحان الله الشارقه عندى دلوقتى بالدنيا ومافيها بس طبعا الدنيا ممشيتش حلوة كده على طووول لانى كنت لسه فى سنه ثالثه وبايت رايحه جايه لغايه مكملت الدراسه وبس توته توته خلصت الحدوته اونسيت اقول طبعا اعدنا مع ماما لغايه مجهزنا الشقه ودا كان فى اسبوع وطبعا كنت سعيده جدا بعد فرش الشقه بس كنت عبيطه ومتعلقه فى ماما وكل يوم عندها بس كنت شاطره وبعرف اطبخ بس مش كل الاكل