enas79 :

انا حابه افتح موضوع للنقاش وهي موضوع الشقق للايجار اكيد كلنا جميعا بنمر بالموضوع ده انا عن نفس لان بحب شقتي جدا اللي في مصر بيبقي صعب عليه تغيييير المكان يعني بصراحه زوجي بيتعب معايا جدا علي ما نلاقي شقه لاني بقعد علي الاقل شهرين ثلاثه قرفانه من الشقه مع انها كويسه بس دايما بيبقي عندي احساس علشان دايما للايجار ان في ناس كتير عاشت فيها يعني مش شقتي انتو بيحصل معاكم كده والله يا بنات انا مبرتحش في اي مكان غير في غرفتي اللي في مصر تخيلو بقي ولغايه دلوقتي ولسه بندور علي الشقه ادعولنا يا جماعه ان ربنا يسهلنا في شقه تكون بنت ناس

انا حابه افتح موضوع للنقاش وهي موضوع الشقق للايجار اكيد كلنا جميعا بنمر بالموضوع ده...

الوردة الفريدة :

السلام عليكم ورحمة الله ازيكم جميعا ايناس انا جربت مرة أجرت شقة اول ما رجعت مصر وفضلت قرفانة منها زيك كده بالظبط لحد ما سبتها رغم اني جبت واحدة نضفتها كويس جدا وكانت بتيجي كل اسبوع بس فعلا كنت باغسل ايدي دايما لو لمست اي جدار او باب او دواليب المطبخ ومستحيل كنت احط اكل على الدولاب او الرخامة او اقطعه عليها لازم يكون على القطاعة او في طبق او صينية وتعبت من غسيل ايديا والله وقتها كمان مكنتش امشي حافية ابدا ولا ممكن اقعد على الارض ههههههههه يعني لما كنت اعمل تمرينات ايروبكس اعمل وانا واقفة واجي لحد تمارين البطن اللي لازم اكون فيها على الارض اقرف اقعد عليها كمان بس تعرفي قعدت اقول وقتها لنفسي ايه قعدت اقول طيب انا باحب انزل في فنادق وباكون مستمتعة وسعيدة والاوتيل كل يوم حد شكل بيكون في الاودة وبيستخدم نفس الفوط والملايات والسرير والمطاعم الجميلة اللي باحب اروحها ما كل يوم مئات بياكلوا في نفس الاطباق والشوك وقعدت اكلم نفسي كده عشان اقدر اعيش في الشقة دي رغم اني مع كل ده فضلت برضو قرفانة :) بس حدة القرف خفت شوية

السلام عليكم ورحمة الله ازيكم جميعا ايناس انا جربت مرة أجرت شقة اول ما رجعت مصر وفضلت...