فين راحوا الجماعة ؟؟

لعل المانع خير

انا بسأل عليكم نفرة نفرة بدون ذكر اسماء لان الذاكرة عمرها ما هتساعد اني اذكركم كلياتكم.... كلكم

اوزوريس الجميلة بجد فرحت اوي انك هتحفظي معانا ومش عايزاكي تقلقي خالص الي مش هتحفظ هنديها فرصة تانية ونراجع إحنا على ما تحفظ هيا وعلى فكرة لما نبدأ ونمشي شوية في الحفظ هنتعود على الحفظ وهتبقى عادة يومية ان شاء الله ومتقوليش زهايمر تاني بأة :26:

تعرفي انا الفترة الي فاتت عملت ريجيم ونزلت 2.5 كيلو في 6 أيام وكنت فرحانة أوي بس فجأة كده حسيت اني ممكن اتعرض لظروف اخس فيها اوي وخفت وقلت اخلي صحتي تنفعني في الزمن خصوصا اني رايحة بلد برد ويمكن احتاج هناك احرق شوية سعرات :hahaha:

الحمد لله ان توتو خلصت امتحانات على خير وعقبال حسام ان شاء الله ويارب بالنجاح والتوفيق
يا كرييييييييم

يا ترى فين البنات؟؟ أتمنى من الله انكم تكونوا كلكم بخير وسلام وتعالوا بس طمنونا عليكم

سلامي ليكم لكم نفرة نفرة على رأي واحدة صاحبتي ولكل واحدة منكم دي :26:

ياوردة قوليلي الريجيم ايه اللى عملتيه؟؟

لان زوجي بيعمل الريجيم الكميائي وانا جربته مرة واحدة ووزني مانزلش عليه قوي...10 ايام نزلت فيهم 2 كيلو بس والريجيم ده متعب جدا...

وانا دلوقت وصلت 68 كيلو وطولي 163 والزيادة اغلبيتها في الشلتة والبطن

بسرعة الريجيم

عاااااااااااااااااااااااجل

ههههههه حلوة الشلتة دي والله دمك زي الشربات كلنا على فكرة الزيادة عندنا في الشلتة والبطن دي طبيعة جسم المرأة الشرقية

ده الريجيم اللي اداهوني الدكتور لعيونك يا جميل





على فكرة يا أوزوريس الريجيم ده صعب اول يومين بس بعد كده هتحسي عااااااادي ونتيجته حلوة أوي طبعا وقت الجوع عليكي بالفواكه والسلطة الخضرا

ازيكو يابنات:26: :26: :26:

و اللى كانوا مكتئبين شيرين و جولدى و اشطر واحدة
ربنا يذهب عنكم الهم و الحزن يارب انا بتجيلى الحالة دى من وقت للتانى

سن سن
اخبارك ايه بقالك كتير مابتدخليش

كنزى
ام اكرم و مريم
تحبوا تحفظوا معانا؟؟

رواء الاسلام
عاملة ايه؟ انتى فين فى المانيا؟؟ على فكرة انا اختى عايشة فى المانيا قولى لى انتى فين يمكن تكونوا فى نفس البلد:)

سبانيش فلاور
عاملة ايه ؟ شفتى جدول حفظ البقرة؟ ايه رأيك؟

الوردة الفريدة
بنت مصر كانت عايزة تحفظ معانا بس بقالها كام يوم مادخلتش!
اشطر واحدة عايزة تخفف الجدول ايه رأيك ؟
انا يمكن ماقدرش اسمع فى الماسنجر ايه رأيك فى نظام اسئلة امتحان؟
ممكن نخلى الاختيارين موجودين اللى عايزة امتحان و اللى هايزة تسمع فى الماسنجر ايه رأيكوا؟؟

ايه رأيك لو نخلى فيه مستويين واحد مخفف كل يوم صفحة و التانى زى الجدول للناس اللى تقدر تحفظ اكتر؟

اشطر واحدة
انتى تقدرى تحفظى اد ايه فى اليوم ؟؟ صفحة مثلا كويس؟؟ جزء عم 22 صفحة يعنى لو كل يوم صفحة تخلصى فى 22 يوم تقريبا ايه رأيك؟

اوزوريس
انا مبسوطة انك معانا فى الحفظ و ان شاء الله تلاقيه سهل
بالنسبة للرجيم انا عندى رجيم نزلت عليه 15 كيلو و للأسف عايزة انزل كمان 5 بس مش عارفة اعمله تانى! لو عايزاه قولى لى