نكوشه...
مشكورة حبيبتي وفعلا كلامك يستفاد منة
وموقفك ذكرني بموقف حصل بماليزيا واحنا بالعاصمة قلنا السواق فية سوق حلو اهل البلد هناك بياخذوا منة فرحنا وكان السوق شكلة عادي مو فخم وكلة ماليزين ولا خليجي واحد يمشي وكنت لابسه عباية عالكتف ونقاب وانا ماشية تعدت حرمة ومعاها ولد صغير
فقلي زوجتي شفتي الولد الصغير قلتله لأ قالي وقف امة ويأشر عليك
( ويقول وات زيس ايز)
وسلامتكم

عطر الليالي

تنورينا والله انت والكل اهلا وسهلا فيكم ان شاء الله وهابعث لك رقم موبايلي على الخاص، وربنا يسمع منك وازور مسجد حبيبي رسول الله في القريب ان شاء الله انا وزوجي

تانيا

الف سلامة لوالدك ربنا يقومه بالسلامة ان شاء الله

شوفي يا أختي طالما المصحة في الهرم يبقى احسن لك تشوفي شقة في الجيزة او المنيل، المنيل ضاحية من ضواحي الجيزة لأنها اقرب للهرم ويا سلام لو لاقيتي شقة في حى الهرم نفسه أو في المريوطية لأنها قريبة منه قوي، بصراحة ما عنديش خبرة في اسعار المفروش لكن اى سمسار هيدلك وفاصلي كويس وخدي عقد زى ما قالت سكرة هانم، اصلا في كل الأحوال لازم عقد احنا نفسنا لما كنا بننزل اسكندرية في شقة مفروش كان لازم نكتب عقد وبياخد صورة من البطاقة على ما افتكر وتأمين علشان لو الشقة حصل فيها حاجة وطبعا بيرجعه لو ما حصلش

لو حابة تتسوقي كمان يبقى المهندسين طبعا احسن لك لأنها برضه قريبة من الهرم ووسط البلد وكل المحلات الحلوة

السينمات المحترمة في المولات فقط لا غير يعني عندك في رمسيس هيلتون في القاهرة ، في جرين بلازا في الاسكندرية وتقريبا كل المولات فيها سينمات لأنها سعر التذكرة فيها اغلي من سينمات وسط البلد بفرق بسيط علشان كده بتجذب ناس معينة

وطبعا يا أختي لو كنت في أى سينما والفيلم محترم عمرك ما هتسمعي او تشوفي حاجة وحشة (فهماني طبعا)

المطاعم في جامعة الدول العربية في المهندسين مليان من اول الفاست فود لحد الفول

بالنسبة للبقشيش لو حاسة انك مش لازم تدفعي بقشيش دي حاجة ترجع لك ولا يهمك اى تعليقات احنا نفسنا بنعمل كده لكن طبعا في المطاعم والأماكن السياحية البقشيش بيعتبر مورد رزق لهم وبيتوقعوه من الزبون ودي حاجة ترجع لك

نسيت اقوللك اني في مرة كنت راجعة من السفر واضطريت اخد ليموزين من المطار وهم بيحاسبوا على الكيلو افتكر او المناطق المهم انه السائق طلب مني بقشيش وانا بصراحة عطيته 15 جنيه غير أجرته 85 جنيه وانا كنت شايفة انه كده كويس عليه قوي لأنه ما عملش حاجة تذكر يعني وهو فضل يطلب مني زيادة وانا رفضت فالأمر يرجع لك.

نسيت اقوللك ان اسعار معظم الفاكهة والخضار مش هتفرق كثير عن سعرها في السعودية مع فرق العملة يعني مثلا لو حبة البطيخ في السعودية تمنها 10 ريال هتلاقي الكيلو في مصر بحوالي 1.5 او 2 جنيه بحيث بطيخة وزنها 8 كيلو تساوي الحبة في السعودية هتعمل نفس الثمن تقريبا فهماني

أم أبيها74..........
يعطيك ألف عافية علي جهدك وتعبك معانا

أخواتى العزيزات اللى جايين ينورونا ويشرفونا فى مصر

أهلا وسهلا والبيت بيتكم طبعا وزى ما بنقول أن ماشالتكمش الأرض نشيلكم فى عنينا

طبعا مصر مليانة منقبات وبيزيدوا يوم عن يوم ومفيش أبدا أى أهانات أو معاكسات وللعلم الشاب لما بيشوف الملتزمة ويشوف المتبرجة عينه بتروح على طول على اللى سايبه كل حاجة ع المفتوح وان شاء الله تشهدى بنفسك بعد ما تيجى بالسلامة

البنات قاموا بالواجب فى أماكن الشوبنج والتفاصيل وأنا مع اللى بينصحوا بسائق واحد طول الرحلة بيكون أأمن وأوفر ولو حد يحب عندى سائق محترم جدا وطيب وعمره ما يقولى المشوار ده بكذا أنما بيسيبك أنتى لتقديرك ودايما بيكون راضى ومبسوط .

أنا بالاحظ أن أكتر العرب بيأجروا فى المهندسين وللنصيحة مدينة نصر كمان حلوة لأن فيها أكتر من مول وكلهم روعة .

والكتيب اللى بيتكلموا عليه البنات اللى فيه كل التفاصيل عن الفنادق والمطاعم فى مصر تلاقيه فى لابوار وده حلوانى شهير فى مصر وهو ب20 جنيه ومفيد جدا جدا

ويارب تنبسطوا فى مصر وتقضوا أسعد أجازة

princesscarina
مشكورة ياعيوني علي نصائحك المفيدة والرائعة