حياتك ماتستحق الطلاق
وابوك على حق ليه الطلاق؟ مافيه شيء يستاهل الطلاق وأبوك يبدو مدرك لأسلوبك
بالنسبة للي وصلتي له
معظم أو أغلب الزوجات تدخل الحياة الزوجيه بكل ثقه وبعد فتره تنخفض ثقتها بنفسها وبعضهم تزول ليه؟
لأن أغلب إذا مو كل الرجال يبدأ الحياة بالنقد لها ولأسلوبها ولشكلها
وأحياناً مايقصد لكن هي متوقعه انه بيجاملها لكن هيهات الرجال صريحين ممكن يجرحك بدون ماينتبه
اذا حاسه أن ثقتك انخفضت
تذكري أول كيف كنتي؟؟؟
راجعي نفسك أنتي واعتبري أنك لسى عروس وانتي والله لسى عروس ست سنين قليل
مايمديك تتعودي عليه وتكسري الاحترام بينكم أو الخصوصية
ياحبيبتي خليك دايم مروقه ليه تشغلي نفسك بالعيال والتنظيف ولاتشغلي نفسك بنفسك؟
هذا سلبية الكلام مع الزوج وطق الحنك اذا جا وجلس فيكره البيت
النقطة 1- اشتغلي على عصبيتك
2- الدقه بالتربية والنظافه وتصرفات الآخرين معك اتركيهاا.
3- لا تجعلي مجال لوسوسة النفس والشيطان لدرجة تتصنعي سيناريو سلبي وغير موجود عن ابوك أو زوجك أو حتى اخواتك وجلستهم مع بعض.
كلها تهيئات والشيطان حريص يخليك تدققين على أمور وتعتبريها أدله على صدق سوء نيتك فيهم.
4 - ما شاء الله ياكثر مواضيعك والايجابي انها كلها مواقف عاديه ولاتستدعي كل هذا الهم والزعل
بدل ماتطرحي الف موضوع اجلسي اقرأي قرءان كتب مفيدة خلي لك مساحة تخلين فيها مع نفسك تراجعين فيها تصرفات
وأهم شيء اذا عندك منكرات في البيت تخلصي منها من قنوات من موسيقى
وجاهدي نفسك على لزوم الاستغفار والخلو مع الله عز وجل وان يقلع هذه الضيقه من قلبك والعصبية
بالدعااااء كل شيء يتصلح والاستغفاار
حياتك ماتستحق الطلاق
وابوك على حق ليه الطلاق؟ مافيه شيء يستاهل الطلاق وأبوك يبدو مدرك...
بمفهومهم