أنا من مكة .. واللي أعرفه سوق الضيافة عبارة عن مركز تجاري كبير يعني سوق وفيه دكاكين وبصراحة اللي أعرفه إن أغلبه ماركات يعني ما تلقي فيه شئ بخمسين .. الا اذا كان هذا محل ثاني ما ادري.. تحياتي

حتى انا عزيزتى دا مركز فخم واشياءه ماركات اول مره اسمع شئ بـ 50 ريال فقط ......؟؟

سوق الضيافه مول كبير واغلبه ماركات عالميه
بس لو تعرفين اسم المحل ممكن نشوف لك

انا من بنات مكة في الأصل وفعلاً استغربت كلامك !!
سوق الضيافة كشخة وحلو مين قال لك ان فيه شي بهذا السعر ، كان فيه معرض جنب بنيتون بالفعل من حوالي سنتين يبيع بقايا الماركات يعني اللي بلا تيكيت أو طايح منه ازرار او انتهى العرض عليه باسعار خيالية بالفعل بس خلاص اللي اعرفه انه قفل يعني صار كل المول ماركات او على الأقل معارض بس شي محترم .
عموماً اذا نازلة مكة عندك اسواق حلوة ، ذي المجاز ، الضيافة ، الحجاز
بعدها العزيزية
وآخر شي العتيبية ولاتنزليه الا معاكي وحده تعرفه بالتفصيل والا ماله داعي الروحة له ، ولا تاخذي معاكي اطفال في هذا الجو .