صادقة والله
مافي ولا وحدة اعرفها تولد في مكة
مرض احد ولا احتاج عمية نزل طوالي على جدة
كل اللي اعرفهم حتى الجزمة وانتو بكرامة يشتروها من جدة
عندهم فرح شالو هم من ينزلهم جدة ويطلعهم عشان كوفيرة عدلة يروحولها ماتطلعهم وحوش ومهرجين وصابغين بودرة
يبغو يتزوجو حجزو قاعة في جدة من سوء مستوى القاعات الشديد وقلتها مع الغلاء اللي مدري على ايش 80 و100الف
عندهم حفلة ينزلو جدة ويحجزو البوفيه من هناك لان مايبغو يتفشلو مع الناس اللي عزموهم
يبغو يضيفو الناس بشي يواجه نزلو جدة اشترو الحلى والتقديم
يبغو يفرشو بيتهم نزلو جدة يشترو الاثاث
يبغو يتمشو الخميس والجمعة مافي خرجة الا للحرم ولا بلاش
اولادهم طفشو مافي ملاهي عدلة يودوهم غير الحجاز والضيافة
حتى الدراسة صارو البنات يفضلو ينزلو ويطلعو يويا على انهم يدرسو في مكة
اساتذة الجامعة بالذات كلية الطب (كلهم الا ماندر من كلية الطب) ساكنين اصلا في جدة ويجو للدوام من جدة
كل ماولد درس واتخرج من الجامعة دكتور ولا مهندس خرج من مكة مافي مستشفيات كبيرة ولا شركات تأمن مستقبله
يبغو يقدمو على فيزا شغالة نزلو مكتب الاستقدام في جدة
مدارس اهلية بمستوى محترم مافي
معاهد كومبيوتر ولغات لشركات عالمية مافي
ياناس حتى ان جاع الواحد احتار من فين يشتري له شي من برة.. كل مطاعم الوجبات السريعة معدودة.. والوجبات البطيئة :) وقسم عوائل عاد انسو

ترا مابالغ.. والكلام اللي فوق صدق..
بس برضو الله يخلي لنا مكة ولا يحرمنا منها والحرم فيها بالدنيا.. لاني بعيدة عنها واشتاق لها
والله يحنن قلوب التجار اهل مكة اللي مستثمرين فلوسهم في المدن التانية ومافكرو في مدينتهم

انا من بنات مكة وابصم بالعشرة على كل الكلام اللي انقال
صارت كل حياتنا رايحين جايين بطريق جدة حتى انه صارلي فيه حادث بغيت اموت ومع ذلك لازم نروحلها عشان نوفر مستلزماتننا

والأسواق اللي عندنا كل بضاعتها ماتصلح الا للبنقالة والهنود مع احترامي لهم هم مسلمين مهما كانوا

بس احنا يابنات هالايام ان ماتكون الاشياء ماركة مانستعملها حتى الاثاث

اذا كان عندي عرس بمكة لازم اروح لصالونات جدة قولي مو مشكلة بس النكبة اذا كنت معزومة بالطائف منو بيخليني اروح من جدة للطائف لانه الطائف نفس مشكلتنا

اني من مكاني هذا اناشد كل من هو مسؤول بالالتفات إلينا ياسكان مكة وتأمين هذه الاحتياجات

حتى شوارعنا مكسرة مو مثل جدة والا الرياض والمشكلة ماتكثر الحفريات الا اذا قرب رمضان والا الحج

حتى مجسمات جمالية مافيش

كل شيء مافيش هههههههه

عسى الله يثيبنا بس

أتمنى أكون بجوار الحرم لا بجوار الاسواق والملاهي تعالي نتبادل أنا بجده خخخخخخ تصدقين زوجي من سكان مكه ونا من سكان جده أقوله أبي أسكن مكه مابي جده يقول لا ما أبي غير جده ولين الحين طبعا" هو مملك علي بس أتمنى أكون بجوار الحرم اللهم حقق أمنيتي

انا من اهل الرياض ومع ذلك مع بنات مكه في كل كلمه قالوها .. واللي ماعندها كلمة خير تقولها في حق سكان مكه المساكين ارجو منها انها تطلع من الموضوع ولا تتعب عمرها بالردود ( المثاليه) !!! اللي مالها دخل بالواقع المرير والزمن المتغير اللي قاعدين نعيشه الحين .. وانا معاكم نناشد امير منطقة مكه انه يساعد في نمو وتطوير هالمنطقه اللي هي من اهم المناطق بالنسبه لنا وبالنسبه لباقي الشعوب .. وارجو منهم توفير الخدمات الضروووووووووووريه مو البسيطه .. الضروريه وحطوا تحت هالكلمه خطين ، حنا ماطلبنا مقاهي وخرابات وهبال !! ، حنا طلبنا مستشفيات ، اسواق نقضي منها حاجياتنا ولوازم الاطفال والبيت والمرأه وحتى الرجل .. نبي منتزهات للترفيه عن النفس والاطفال المساكين اللي جاهم حاله نفسيه من كثر الجلسه بالبيت والا ينتظرون اي اجازه عشان ينزلون جده !! يتمشون .. ارجوووووووووووووووووووكم الاهتمام بالموضوع والنظر فيه من قبل سموكم الكريم ومرااعاة حاجتنا الماسه .. وأملنا بكم كبيييييييييييييير .

الله يعينكم
مدري إنه الحال عندكم كذا
وكنت دايماً أستغرب قريباتي اللي في مكة كل شوية ينزلوا جدة يقضوا.....
يا شيخة حتى قرايبي في قطر ينزلوا يقضوا في جدة.....

آآآآآآآآآآآآآآآآآآآآآه يا جدة اشتقتلك
(ترا أنا أساساً من جدة بس تزوجت ونقلت للرياض)