بنات مليت تكفن ساعدني تعبت من حياتي

السلام عليكم وش اخباركن إن شاء الله بخير بنات انا ماكتبت هذا الموضوع الا ابي مساعدتكم والله عجزت وعقلي عجز من كثر التفكير لحظات كثيرة اكتب وامسح واقول مشكلتي تافة لكنها مشكلة بالنسبة لي بس ارجوكم ساعدوني لوبالدعاء ابي حل لمشكلتي وتراها ماهي لي الحالي مشكلة الكثير من البنات الموظفات للاسف كلكن ادخلن اذا ماعندك عبارة تبردكبدي ادعيلي

انا مشكلتي يا اخوات ان زوجي مايصرف علي ابد وكأني ماني زوجتة عجزت تكلمت لمحت صارحت بس سافهني تعرفون وش معنى سافهني والله حاقرني يابنات لدرجة اني لطلبت اي شي لبيتي على طول يسفهني وكانه مبرمج على ريموت انا طبعا زوجة ثانية وموظفه معقولة الوظيفة لها دور بالموضوع طيب يا اخي خاف الله فينا اعدل صدقوني يا اخوات يموت على الارض اللي امشي عليها بس صرف للا لو اموت لايمكن طبعا علشان مااظلمة واصير كفارة العشير هو يصرف على المأكلفقط يعني بالاكل مايخلي علينا قاصر لكن شي خاص بلبس اعياله لبسي اشيائي الخاصة فرش البيت اثاثة لو اموت اطلب لين تندبل كبدي وامل واسكت والله بيتي يفشل صحيحبنالي جديد بس دخلناه ببعض العفش القديم وطبعا الجديد كان بمساعدتي ماهو جياده منة وزوجتة رمم بيتها وجدد كل شي ماني والله حاسدتها بس ووين العدل بينا انا بعد ام اعيالك ماني جاية من الشارع والله يا اخوات بالدقيقة يجددلهم واشياء جديدة يعني حرام تغير طيب حنا القديم اللي عندنا ليش مايغير ليش العناد هذا والله يابنات مليت من الصبر تدرون اني مسميتة اذا ناداني او جاء وش اقولة اقوله هلاوالله ابوماعندي شي او سم حبيبي ابوماعندة شي طبعا هو لاتعليق انا فاض صبري مليت اكيد تبن تقولن متعي عمرك براتبك ولاعليك منه هو يبي كذا والا ليش يسفهني ولا يرد على طلبي يابنات ماتخيلون تصدقون عندهم تلفزيونات بالهبل وحنا واحد ويقول يكفيكم تصدقون مفرشي حق السرير له ست سنوات وزوجتة كل اسبوع تغير ادري تبن تقولن وش دراك عن غرفتها اعيالي اذا راحو يقولون ليش خالتنا كل يوم مفرش وانتي واحد تبن تقولن انتي غيرية انا مشكلتي سريري كبير مرة يعني لازم افصل وليش افصلة والله مايستاهل وهذا من واجباتة تصدقون بنتة بتعرس فصل لبناتة منها وحنا ما سأل فينا احيانا اقول معمولله عمل يعني سحر والله اذا طلبت على طول ينام وكأنه عمرة مانام والا طلع من البيت او سفهني بنات دلوني عطوني افكاركم حتى اللي عايشة مشكلتي تدلي بدلوها وش الحل معقوله علشاني اني موظفه مالي حق بشي ساعدوني يابنات لو بالدعاء