مابي مقدمات ولا شئ لان أصلا مالي نفسسس مالي خلق اكتب لكم بالغصب ماحب اشكي لامي عندها ضغط مابيها تزعل عشاني مادري لمين افضفض أحس بخنقه مالي إلا الله ثم خواتي في الله
انا تعبت ومليت من إهمال زوجي وتطنيشه لي زعلت ولا رضيت كله واحد عايش حياته مافي غزل ولا كلام حلو لازم اذكره أني ما سمعت كلام حلو من زمان وحتى النوم فهمتو قصدي لازم انا اللي أبدى بتلميحات وإذا ما لمحت له اجلس أكثر من اربع أو خمس أيام عادي عنده اهم شئ عنده المكتب والشغل مليت وطفشت تكلمت معه أكثر من مره ولا فيه فايده اغلب وقتنا بالشقه انا وولدي وهو طول وقته برا وإذا طلبت منه نطلع نتمشى أو نلاعب ولدي فارس بأحد الملاهي يتضايق من وجهه ولازم نطلع ماتاجلينها لبكره يجلس يسطر لي أعذار أحيانا اطلع واحيانا أمل وأحس انه ماي بيني اطلع معه واكثر من مره يقولي ماحب اطلع معك وإذا عصبت وعزلت قالي امزح بس أحس انه صادق مرات أقول لو عندي صديقات نزور بعض نطلع منتزهات أو ملاهي مع بعض أو سوق كان طنشته وخليته يحس باللي أحس فيه بس للأسف انا كنت ادرس بقريه وتزوجته وسكنت الرياض مليت يا بنات حتى قلت له عرفني على زوجات ربعك بس لما عرفت أنهم كبار رفضت انا طبعيتي احب اجلس مع بنات من عمري تفكيرهم وفرفشتهم مثلي مابي وحده كبيره تنتقدني ولا أحس جالسين جلسه رسميه ماحب حتى مرات من قوة الطفش ودي ادخل أي منتدى واتعرف على بنات بس خفت قلت وش تبين بالمشاكل وش عرفني أنهم بنات يمكن رجال وبعدين لو كانو بنات كيف أخلاقهم طبعا تعرفون تأثير الصديقات والصاحب ساحب بصراحه مادري وش الحل نفسي اطنشه بس ما عندي شئ اقدر اتجاهله فيه ساعدوني طفشت وملييت المفروض أغير النك نيم من دلوووعه موت إلى مهمووومه مووت ليش العب على نفسي
دلوووعه مووت @dloooaah_moot
عضوة فعالة
يلزم عليك تسجيل الدخول أولًا لكتابة تعليق.
حور الأثرية
•
مشكلتك أنه ليس لك أهداف في حياتك لو كان لك أهداف في حياتك لما عانيت من هذه المشاكل ثانيا أقرئي سبعه اسرار لنا عمه الهاشمي وقصه أم بسمه. وكوني واثقة لو انت منشغلة عليه ولو بحفظ القران أو بطلب العلم أجرى وراك جري
الله يسخره لك ياارب ويجعله لك كما تحبين
اذكروا الله .. وصلوا وسلموا على خير البشر ..
اذكروا الله .. وصلوا وسلموا على خير البشر ..
الصفحة الأخيرة