بنات ممكن تشوفون مشكلتي

السلام عليكم يابنات

اخباركم ؟؟

يابنات أنا ضايق صدري مره وخايفه

زوجي نفسه شينه علي مره كأنه مايبيني وكارهني ماادري وش اسوي

حتى أنه يناظرني بإستحقار من فوق لتحت ومايجلس معاي ينام ويتركني حتى ولايكلمني

والمشكله هو الي يسوي المشاكل مو أنا حتى اني اذا تركته يعني يسوي مشاكل ومارديت عشان مااسوي مشكله معاه

يدور شي يقهرني

حتى يسكر السماعه بوجهي ومايرد علي ومايحب اهلي يشيل هم لما يروح لمهم كأنه رايح لعزيمه خاصه له

مافيه الا أمي وأبوي وطيبييين

والله يابنات لو تشوفون أهلي وش يسوون اذا جاء قهوه وحلى واحترام وابوي يأجل كل مشاويره عشانه وأمي تترك كل

أشغالها عشانه ونجلسه بأحلى مكان عندنا ويعاملونه بإحترام ويقدرونه واذا كان فيه عشاء تعالوا شوفوا وشلون

العشاء اصناف لذيذه ترتيب وذوق لدرجة ان أمي تسألني وش الاكل الي يحبه عشان تسويه له والله مايستاهل لانه

ماشاف كيف أباء البنات صدق

وأنا بصراحه أحترم اهله ولا أترك لهم اجتماع ابد حتى لو أني تعبانه عشان مااأفشله

والي مخوفني الاسبوع الي راح قالي أن بعض الرجال اذا مل من زوجته يفتعل مشاكل عشان يخليها حجه ويطلقها

وأنا ضايق صدري ليش مال مني والله ماقصرت بحقه ابد كل شي اسويه

أول مايرجع من الدوام البيت نظيف ريحته حلوه غداه جاهز حتى أنا شكلي مرتب بس ماأدري ليش هوا كذاا:(

والله ماأكذب عليكم يابنات اني جميله ومن يوم أنا صغيره بالمتوسط انخطب حتى لدرجة ان اقاربنا يحتروني من اتزوج

من هذا الي يبي ياخذني

وش رايكم يابنات وش أسوي والله ضايقه الدنيا فيني وهي وسيعه :(