اولا يااخيه عليك بالدعاء فهو مفتاح الدواء...ثم قدمي الاحسان والبر لامك دون مقارنات بينك وبين اخواتك ...بل رضاءلله تعالى..وان لم ترض هي ..المهم ادي ماعليك واياك اياك ان تعامليها كما تعاملك هي ..وما يدريك لعل هذا السفر يكون فاتحة خير لك ولها..ولكن تواصلي معها في السفرولاتقطعيهاحتى لو نالك منها شئ لانه سياتي يوم ينصرك الله ويستجيب دعائك...ولاتنسيها من الهداياوالكلام اللين الجميل وقللي من المواضيع التي تثير غضبها كمدحك لوالدك الذي لاتحبه..
اسال الله ان يحنن قلب امك عليك ويسخرها لك..

يا بنات والله الكلام سهل
لكن وقت الفعل لا

أنا اللي فيني مكفيني ولا ودي أستقبل مزيد إهانات من أمي

بس أخاف من ربي لأن أمي حاطه ببالها إإنها زعلانه مني زعل كبير

والله يا بنات إن لو إني وحده ثانيه من بناتها كان الحين تتقهوى معي

بس مدري وش اللي راكب راسها عشان تخلي الزعل يمتد لشهور

أنا ودي أدري ربي راضي عني وإلا زعلان .. وبس

لأن دام إن بعدي عنها ما يسبب لها أذيه ويريحها أعتقد أفضل من إنها تكلمني وكل يوم والثاني حنا بمشكلة .. وإلا كلامي مو صح !

شوفي ياختي انتي سويي اللي الله امرك فيه بري فيها و روحي زوريها وسلمي عليها وحبي راسها جيبي لها هديه وقدريها واي شي تسويه او تقوله لاتناقشيها بشي ابدا انتي تكوين كذا اطعتي ربك وسويت اللي الله امره --حتى لو سبتك او قالت لك شي اسكتي لا تردين قبل لاتسافرين روحي وسلمي عليها وقولي يمه انا مسافره وجيت اودعك -ومهما قالت لاترددددددين ابدا تكونين كذا اخذتي اجرين اجر برك بمك واجر صبرك والله يهديها

اختي سوي الواجب مع امك ولاتقصرين معاها ولا تقولين اقاطعها حرام مايجوز واذا زي ماتقولين ماتحبك وتزعل عليك ماعليه حرمه كبيره لاتواخذينها ترى صبرك عليها فيه اجر وبرها واجب الله يكون بعونك ويحنن قلب الوالده عليك

برسلك على الخاص قصة وحده شبيه بقصتك وفيها الحل ,,