مرحبتين بنات..

سويت ليزر لوجهي و رقبتي من سنتين تقريبا بعيادات ديرما..أول جلسة كانت رائعة، وجه مشدود و بياض عجيب.. بعدها بشهرين رحت أسوي الجلسة الثانية.. و مثل ما قالت أختي OuT of ReAcH طلعت كم شعرة طويلة ما كانوا موجودين من الأساس. فقال لي الأخ (الدكتور طبعا): "هذا شئ طبيعي مع الليزر". المهم، سويت الجلسة الثانية و يا ليتني ما سويتها.. صار عندي تصبغ بالرقبة و على الفك. و من وقتها و أنا شايلة فكرة الليزر من بالي.

سمعت عن إزالة الشعر ب"الضوء"! اللي سامعه عنه أو مجربته تخبرنا الله يعافيكم.

و شكرا مقدما.

اول شئ كل عام وانتم بصحه وسلاامه وتقبل الله منا ومنكم صالح الاعمال انشاء الله
ثاني شئ عندي طلب يا حلوااات ممكن تقولون لنا اسم الاخصائيين او الاسشتشاريين الي سووا لكم الليز وباي عياده ؟؟ لان كل عياده فيها ع الاقل 3 يسوون اليزر مثلا النخبه فيها استشاري سعودي واخصائيتين مصريات وديرما سمعت ان الفلبينيه احسن شئ وعبيد مادري مين بس يمدحون وارسل ع الخاص ابي احد يرد علي بس لا حياة لمن تنادي فبليز ساعدونا ترى الدنيا عيد اعتبروها عيديه لاني احترت وين اروح ويهمني طبعا المراكز الي بالرياض وغير الرياض لباقين علشان الكل يستفيد وياريت القى مرادي عندكم :)

السلااااااااااااام عليكم ورحمة الله

خواتي:
حبيت اعرض مشكلة ازليه فيني وللعلم تراني اول مرة اصارحكم وان شاء الله ما تبخلون علي بحلولكم وتجاربكم ودعائكم:27:

اولا: احترت وين اكتب الموضوع هل في العنايه بالشعر؟؟ وإلا في البشره ؟؟ وألا في المشاكل والحلول >>>>>> احلفي:23:
وسويت قرعه وطلعلي العنايه بالبشره >>يا الله انبسطوااااا شعليكم
***************

ثانيا: انا اول مره اكتب هنا وبصراحه ابي تفاعلكم معاي عشان اقدر احل مشكلتي
**************

ثالثا وهو الاهم هو المشكله:

انا شعر راسي خفييييييييييييييييف ويتساقط باليوم بمعدل كبير ومتقصف وباهت يعني بالعربي الفصيح(كل علتن فييه):06:
طبعا بتقولون ليه ما تستعملين خلطات ومن هالكلام
راح اقولكم اني ما بقا شي ما جربته
وما بقى دوا ما استعملته جميييع الحلول استخدمتها بصراحه وبيني وبينكن انا ملييييييييييت
ناس قالولي انها اكيد مشكله داخليه وناس قالوا من تاثير الدوام وناس قالوا هذي طبيعة شعرك وناس وناس وناس ...إلخ..
************

لاكن بالمقارنه مع شعر جسمي فهو يكون العكس تماما
مثلا الشنب عندي ينبت في غضون اقل من اسبوع وانا بصراحه تعبت من الشيل بالخيط اواي طريقه لانه فعلا ممل وغثيث ويطفش واحس ان جلدي با يضعف وصارت بشرة وجهي اكبر من عمري بعدة سنوات

وياليته وقف عند منطقة الشنب بل وصل الى الحنك (اللحي) والخد بس مو من الامام لا على الجانبين ايا كان المهم ان هذا الثان ينفس المشكله بس الفرق ان شعر الشنب قوي وقاسي واسود وواضح ومزعج وشعر الحنك ناعم بس اسود حيل يعني واضح ومبين.
***********
نوصل لشعر الايد والرجل

يا بنات عمركم شفتوا شعر ينبت نصه والنص الباقي يطلع عقب فتره ؟؟ وربي قسمنبالله تلعوزت معه يعني انا الحين مضطره اشيل الشعر الزايد في ايديني ورجولي اسبوعيا& لا والادهى والامر من ذالك انه ينبت اقوى من الي قبله واسود وشكله فعلا مقزز:06:

اصلا شعر ايديني وارجولي من كثر ما احف بالشيره ويبدأ عندي مسلسل الحك قبل طلوع الشعر سببلي جروح كثيره وكبيره ومع الاسف ما راحت صارت كنها ندب وشكلها فضيع فعلا خربت منظر رجلي اساسا هذي الثانيه مشكله لحالها . يعني بالعربي تشوهت ايدي ورجلي
بس ما اقول الا الحمد لله على نعمة الصحه والعافيه



**************************
والحين انا عندي احساس بل ومتاكده انكم بتتسالون وش المطلوب؟؟

المطلوب يا محفوظات السلامه :سوووءالتوزيع اللي فيني من حيث خف الشعر بالراس وكثرته في الجسم وش علاجه؟؟؟

والوجه من الوجه ابييييييييض

ملاحظه: هل ممكن ان العمر هو السبب يمكن بسبب النمو حيث ان عمري17 ادري بتقولون صغيره على هالمشكلات بس فعلا انا مليت من كثر الحف والخرابيط؟؟

*************************
اختكم الحزينه::
*** مبطيه من النت***

سووووووووووووووووووريييييييييي

من جد اسفه لصقت موضوعي في موضوعك

والله اني داجه

تراني كنت شايشه ومدر يشسويت وطلعلي الموضوع رد على موضوعك
قسسسسسسسسسسسمن مخي مهوب معي

العذر والسموحه يا الغلا

هلاااااوالله
جاك يامهنا ماتمنى (مثل شعبي عندنا)
تكفون اللي فسقانه وودها تسوي ليزر وش السواة معها انا شعر وجهي مهنا زود كثافه عادي بس يوجد شعر (يقطع ام الهنود)
ولان عندي كلف يجيركم ربي مجنني ويقولون ان الليزر حق الكلف والازاله الشعر واحد؟
قلت بالمره ليزر للكلف والشعر بالوجه
ابغى نصائحكم
ياااااااااااااااااااااااااااااااااااااااااااااااخواتي
لان المضوع خش مزاجي مررره