مرحبا بنات ...
اللي سوته في الامارات ونفعها تقول عند منو سوته ... اختي ليالي ممكن تقوليلي عند منو سويتيه ؟؟؟

اهليييييين بنات،، اليكم تجربة احدى قريباتي بالتفصيل الممل:42:
==============

أحبتي اليكم تجربتي مع ازالة الشعر بالليزر من منطقة الوجه
انا عملت تقريبا 4 جلسات في (عيادات ديرما) ،، ديرما مركز متخصص
للشغلات هذي غريبه مافي احد منكم جاب طاريه!!
بالنسبه لي النتايج كويسه
شعر وجهي كان كثيف وغليظ مررررره في منطقة الذقن
اما الشنب فكان اسووود مررررررره بس ناعم،،، هذا طبعا قبل
جلسات الليزر،، كان مضايقني مره مافي شي نافع معه خصوصا انه
قاسي مره وكل ماله ينتشر
طبعا الدكتوره قبل مااسوي الجلسات جلست معي ووضحت لي نقاط كانت
في غاية الأهمية
اولها ان الليزر مايقضي على الشعر للأبد(اي وحده بتسوي جلسات لازم
تحط في اعتبارها هالنقطه)
ثانياقالتلي الشعر بيخف بنسبه 70 الى 80 بالميه
ثالثا راح تتغير طبيعة الشعره نفسها، يعني حتى لو طلعت راح تطلع ناعمه
مثل ماكانت يوم كنتي صغيره هههههه وفاتحه ايضا يعني بيخف سوادها
الشعر راح يختفي بالنسبه الي ذكرتها بعد اربع الى خمس جلسات ولا عندهم
اي فكره متى راح يرجع يطلع مره ثانيه، يختلف من شخص الى شخص.
ومثل ماقلت لكم ان الشعره نفسها لو رجعت وطلعت مابتكون مزعجه مثل اول
طبعا نقطه مهمه ايضا ان الليزر ماله تأثير سيئ يعني لاحروق ولا اي شي
ثاني(هذا كلام الدكتوره) لكن استغربت من الاخت الي تقول انه سبب لها
حروق !!!عزيزاتي لازم تروحون لعيادات ومراكز ثقه لعمل مثل هذي الجلسات.
الاجهزه اتوقع تختلف وكل مالها تتطور.
أليكم تجربتي بالتفصيل
طبعا بعد اول جلسه قالتلي الدكتوره انه راح يطلع الشعر بعد شهرونص
وطبعا حددت لي موعد على هذا الاساس،، وطمنتني انه بيطلع مثل قبل مااشيله
يعني فيه قسوه شوي والنتائج بتبان بالجلسات الباقيه
طبعا بعداول جلسه راح يكون بوجهك شوي احمرار بس طبيعي لاتقلقي راح يخف
بعد ساعات، وبنفس الوقت لانهاالجلسه الاولى راح يكون شكل الشعر مزعج،
بيكون باقي اثاره تحت الجلد(خصوصا اذا كانت الشعره قاسيه) يعني بتطلعين
منها ولسا باقي فيك شعر لكنه ميييييييت،،يعني لو تمسكين الشعره بتطيح
بيدك لان جذورها ميته، الدكتوره قالتلي لاتلمسينه الحين واسحبيه بعد
اسبوع راح ينزل معك كله وبيصير وجهك زي المرايه وهذا الي صار فعلا.
طبعا فيه الم خصوصا بالجلسه الاولى لاكن بالنسبه لي خف الالم بالجلسات
الباقيه
طبعابعد كم جلسه الشعر الاسود والقاسي اختفى تماما الا كم وحده واقل
قسوه من اول،، وظهر شعر وبري ناعم (بيني وبينك مزعجني حتى هو ههههه)
الىهنا كويس ،، لكن الشي الي فعلا لفت انتباهي ان الشعر ظهرفيما بعد
باماكن ماكان موجود فيها من قبل !!! لما استفسرت من الدكتوره قالتلي
الليزر ماله اي علاقه بهالشعر لانه مستحيل يطلع شعر بالعكس يقضي عليه،
طبعا اكدت لي انه مستحيل يزيد،،، لكن انا ماهنا لي بال فسألت وحده
مسويه هالجلسات ولقيت عندها اجابه تختلف،، الدكتور الي سوا لها
الجلسات قال لها ان الليزر ممكن يحفز بصيلات ماكان يطلع منها شعر
ويخلي شعر جديد يطلع بس خفيف وممكن ينشال ويختفي !!!!! أيهما الصادق
الله اعلم عاد(هذا الاجابه للاخت ورده حلوه،،الشعر الجديد بنفس المناطق
ا لي طلع لك فيها عالرقبه والوجه)
هذا بالنسبه لنتائج شعر الذقن،، اما الشنب فالنتايج بالنسبه لي مرضية
الى حد ما،، خف سواده كثيييييير ماعاد زي اول،، اتوقع لو بستمرعالجلسات
بتكون النتائج احسن،، بيني وبينكم وقفت لان سعرهاغالي
بالنسبه للسعر كان خمسميه ريال للذقن وخمسميه ريال للشنب،، وغيري كل ما
كان الشعر اكثف كل مازاد السعر .
على فكره انا بعد اول جلسه ظهر بوجهي حبوب يصاحبها حكه شديده لمده ليست
قصيره ، لما استفسرت من الدكتوره قالت الليزر ماله علاقه لكن ربما من المرهم
الي عطتني اياه لاستخدامه على المناطق المنزوع منه الشعر،، ووقفت المرهم وبعده
بفتره خف،، هذا بعد اول جلسه لاكن الجلسات الباقيه ماظهر لي شي لاني اصلا
ماستخدمت اي مراهم، انا طبعية وجهي دائما يطلع حبوب حتى من قبل الليزر
عشان كذا مااقدر اقرر هل هو منه او لأ.
على فكره الليزر مريح جدا يعني حتى لو ماخف الشعر او اختفى عالاقل ماراح
يطلع الا بعد اكثر من شههر بعد شيله وهذا بحد ذاته احسن من التنتف
كل يوم هههههه
اممممممم وش بقى؟؟ هذا الي عندي الحين ولو تذكرت شي ثاني راح ارجع
تحياتي

طيب مافيه الم في اماكن الوجه والبكيني
حلو البيكيني وبالاخص اذا سوته لك الدكتوره لانه تعبت من شيل الحلاوه الم وتعب واخر شيء ما احس بنفسي الا ويصب دم اشوي والله انه يتعب كثييييييييييييييييييييييييييير

لكن هل يعملون على البكيني وغيره وكل المنطقه ولا بس البيكيني حنا نبي انتجمل لزوجنا فا مافيها شي
طيب عند الولاده ماتشوفك المراه عند عمل حمام البخار ماتشوفك ايضا امراه لاباس بذلك اذا كان الغرض منه هو التجمل لزوجك لكن الافضل عمله عند امراه
ولانك تتعبين من شيل الحلاوه المؤلم ولانك تريدين نتيجه ممتازه فلاباس من عمله في اي منطقه بغرض التجمل
والابتعاد عن الالم من اجل الزوج انا اشيل واتالم وبالاخير يطلع لي حبوب و اشوية دم
لذلك اعتقد انه حل امثل لجميع المشاكل ولاباس اذا كان فيه نهايه من الام الشيل بالحلاوه
:24:

اهلين صبايا ابي اقولكم اني عملت ليزر عند اوباجي وكان الشعر عندي كثيف جدا وبعد جلستين والله جلستين اختفى الشعر نهائا وانا ليا الان 8 شهور ولم يظهر الشعر اللهم الا شعرات تنعد علي الاصابع
:23: :41:

بنات ماطلع لكم لون اخضر بالوجه000ردوا
بعدين شمس الحب سالتي شيخ عن الحكم لانه مايجوز تحكمي بنفسك بهذي المسالة لانها دينيه
اخاف تاثمين يااختي