بنات منهووووووو شافت حلقت الطبخ على القناه القطريه للسيده عايشه؟

السلام عليكم
مشكوره اختى بس انا اروح الدوام من الساعه السابعه وارجع الظهر يعنى ما اقدر اشوفه

شوفي اختي هذي طريقت البسبوسه الي سوته
1ك سميد
ك زبادي
ك زيت
1 ونصف جوز هند
3بيضات
1ك باكنج بودر
1ص فانيليا
2 م ط ماء زهر
الشيرة
2 ك سكر آو 1ك ونصف سكر\
1ك ونصف ماء
2 م عصير ليمون
خيوط من الزعفران
الطريقة
يوضع البيض في الخلاطثم نضيف المكونات الاخرىثم ندهن الصينيه قليل جدا من الماءثم نضع البسبوسه في الصينيه ونتركها 5دقائق ثم نرشها بالفستق اوالجوز ثم نضعها في الفرن وثم نضع على البسبوسه الشيره
ان سويتها لذيذه مره

والله امس انا نفسك يا اختي العزيز هناء الكويتيه ...بس شفت الكنافه ..ولما شفتها تطلع البسبوسه من الفرن ...مت ..قلت يا ليت تحط المقادير ..وتصدقين قلت ماكو غير عالم حواء هم اللي يفيدوني ..
واليوم انت سبقتيني ...
الله يعطيك العافيه يا اختي العزيزه أم عموري 2006 , و جزاك الله كل خير يا رب ...
انا بصراحه اول مره اشوف هالبرنامج وبالصدفه ..

سويتها وطلعت خياليه ....الف الف الف شكر الغاليه ام عموري 2006....والغاليه هناء الكويتيه

و الله يا ليت تسوينها يا هنوءه ..ترى سهله ومضبوطه بس انا بدل ماء الزهر حطيت 1 م ص هيل

ناعم ... وزودت الخلطه نص كوب سكر علشان ما احب احط شيره وايد ..والباقي نفس الشي ..

قولي بسم الله وان شاء الله تضبطينها ..