شوفي ياقلبي بقولج قصه حياتي مع الصالونات:: :23:

أنا جربت شارمل وطلبت منهم طبيعي عادي مكياجهم بس نفوووس خايسه هالامريكيه اللي ماخذه كويتي والسكرتيره اللبنانيه جني اطر من ابوهم مو دافعه ميه وشي انا واختي الزبده بجوني وطلعت متخانقه:06: :

حنان دشتي وع بس عندها ايرانيات شهله وامل رووووووووعه يحطلولج حسب الطللب قولي ما ابي مثل الفنانات الاارقوزات بس مشكلتهم الاساس موذاك ويحطون ملجه 150دينار بس الشعر روعه عند زينب انا اعرف ثنتين عند امل وشعر عندزينب بملجتهم كانوا روعه ومغيرتهم حيل(((((روحي مره وشوفي))))))

منيره الفرج شفت مكياجها عاااااااادي حيييييييييل حطي بيتكم احسن خطه وحده

جربت كونتينتال عند دينا لبنانيه صراحه روووووعه والاساس حلو بس اطلبي طبيعي ونفسها خفيفه (((هم روحي خميس وشوفي))))

عبير الياسين اذا تحفين حواجبج حلو واذا لا ترى تزفج يمدحون اللبنانيه اللي عندها

اووووف تعبت:09:
تامرين بشي دزيلي على الخاص

واي بنات مشكورين وماقصرتوا .. صج صج مشكورين
انا اسفه تاخرت عليكم طحت مريضه تدرون شهر تسعه شهر الحساسيه والامراض

عديل الروح كلامج عدل .. انا احس ميك ابها تلطخ بس قلت استشير احد ثاني مشكوره حبيبتي
هيون ماعليج امر تدليني على مدان دنيا ومنيره الفرج ولا تعطيني ارقام تلفوناتهم الله لايهينج؟

سر الورد مشكوره حبيبتي على مرورج :mouse:

زينه مشكوره ياقلبي اذا تعطيني عنوان صالون عبير الياسيم اكون شاكرتلج ومنيره الفرج بعد يمكن عديل الروح ماتعرفه

ريما حبيبتي مشكوره .. ايه وانتي الصاجه بعد اهم شي كريم الاساس انا مابي اصير شبح
اخرع الريال
نشااااااااامييييييييي مشكوره شكلج انقطع نفسج عقب ماكتبتي الرد مشكوره حبيبتي ماقصرتي يبيله اروح اشوف مكياجهم بس ماتعرفين بجم يحطون؟؟

مشكورين حبايبي

يحليلك ... الله يوفقك ويكتب لك السعادة اميييييييييييييييييييييييييييييييييييييييين


بس انتي زوجك شاف لك صورة من قبل والا لا ؟
ما ادري احس ان مكياج هالسنتين يعتمد على تغير الملامح ورسمها بشكل ثاني .... كان المكياج قبل كم سنة يحلي الوحدة ويزيد جمالها بس الحين صار يرسمها رسم ...
واذا زوجك اول مرة بشوفك ... وبعد الملجة يشوفك بدون ذاك المكياج الصارخ احس ارباك:01: ... بيتفاجأ ...والله ما ابي اغثك بس كذا وجهة نظري ... عاد انا حتى مع الناس اتصرف بالطريقة هذي اول يشوفوني عادي بعدين بمكياج حتى يقولون ( اي اثاري المرة حلوة ):o بعكس يشوفوني بعد المكياج يقولون ( وي ما يطلع وجهها الا المكياج ):29: ....



وانتي يا العروس الحلوة بكيفك ... وانا اشوف كل ما كان المكياج اخف وانعم كل ما كنت ِ ازهى واحلى واكثر طبيعية ........


عقبال نفرح فيك:32: ...

صح كلامج يانشامى عن شارمل هالسكرتيرة اللبنانية اللى تغث صار جدامى موقف خلو وحدة تبجى والسبة انها على نياتها قاعدة تسولف ويا الروسية انها توها متزوجة والحين تطلع للناس تصدقين الروسية ما رضت تحط لها لما يحسبون لها مكياج عروس وراحت كلمت السكرتيرة وترجتها ومع هذا ما وافقت وبجت البنت لما يت راعية المحل الامريكيةو وافقت صراحة كلهم نفوسهم خايسة كلهم
مكياج الروسية واللبنانية حلو بس الطلب كلة على الروسية وما يهمهم اذا انتى كنتى تنطرين وحاجزه مرة كنا ناطرين والا يدخلون بنات شخصيات معروفة واللة انهم اكشتو فينا لما خلصوهم يعنى لازم يعذبونج

هلا فيكم بنات موضوعي نور بوجودكم

خياليه .. انا ريلي شايفني من قبل واهو نوعه مايحب المكياج الثقيل يحب الناعم بس يركز على الكحل العربي يحب العيون المكحله جان زين تفيدني بصالون جذيه طريقته وطبعا الاهم من هذا كريم الاساس مايحب التلطخ ومشكوره على مرورج حبيبتي

نشامي مشكوره على مرورج حبيبتي

عود مبخر فعلت الخاص مشكوره نبهتيني وناطره ردج والف شكر مقدم وجان زين اذا تعرفين بعد ذيج بنت العرادي امدحوها حقي
ناطره رسالتج ومشكوره حبيبتي