بنات من الخبيره فى تربية اسماك الزينه ؟؟؟

هلا حبيبتي

انا حب الاسماك واربي اسماك من 8 سنوات وعندي هالهواية

حبيبتي انتي تبين تعرفين شوة بالضبط

1- من ناحية الاكل فيه اكل يجي في علبة يكون مخصوص لنوع واحد من الاسماك ---- وفية اكل يجي مكس يعني لاسماك مختلفة --- اذا كانت الاسماك الي عندج من عدة انواع اخذي العلبة الثانية الي ممكسة يعني لكل انواع الاسماك --- اوكي

2- تعطينهم الاكل مرتين في اليوم وطبعا كمية الاكل ماتكون كبيرة .. اقولج كيف ... اخذي كمية بسيطة جدا جدا يعني اقل من ربع ملعقة صغيرة ... وحطية بالتدريج يعني حطي شوي وخلي الاسماك تاكلة وحطي بعده بنفس الطريقة ...بس الوجبة الواحدة ..ماتزيد عن نص ملعقة صغيرة ... طبعا هذا يعود على عدد الاسماك الي موجودة ...

تعرفين ليش نسوي جذية اولا: عشان كل الاسماك الموجودة تاخذ نصيبها

ثانيا شي : عشان الحوض مايتوسخ ويسوي طحالب ويكون تنظيفة صعب

3 - لازم يكون في الحوض اكسجين ويكون الحوض به أضاءه .. وهذي الاجهزة متوفرة في محلات السمك .. هذي الاشياء مهمه جدا جدا

4- تشترين فلتر وتشغلينة تقريبا 12 ساعة في اليوم وتاخذية على حجم الحوض عشان يقدر ينظف الحوض كامل . انا على طول الفلتر اشغله لان الحوض الي عندي كبير ومابيئثر
علية في شي .

5- فيه اكل خاص اعتقد فيتامينات اعطي منهم في الاسبوع ثلاث مرات تعرفين ليش؟؟؟؟

هذا الاكل يعطي السمج لون يعني يزيد من بريق الوان السمج ويخليهم نشيطات ..

6- من ناحية التنظيف انا كل ثلاث شهور انظف الحوض كامل وفيه اوقات تمر فترة مايحتاج تنظيف لان الحوض يكون نظيف هذا يرجع لج وعلى طريقتج في الاطعام

يعني اذا كل مرة زدتي في كمية الاكل والسمج ما كله اكيد بيترسب في القاع وبجذية بيعفن وممكن يتحول الى طحالب خضراء

فيه اشياء وااايد الحين تعبت من الكتابة بعدين بكمل لج

بس الاسماك الي عندج بحرية والا عادية يعني الماء الي فيهم عذب او مالح

شاني شي ماتعرفين شوة اسمائهم ... لان فيه اسماك تولد على طول يعني ماتبيض وفية اسماك تبيض وهي صعبة شوي لان كل متبيض الاسماك الثانية ياكلون بيضهم الى اذا فيه مكان تستخبى فيه الاسماك لتضع بيضها

بعدين اكمل

هلا حبيبتى
انتى الوحيده اللى عبرتيني

عيونى انا مو ذاك الزود فى تربيه الاسماك
واللى مهدينا الحوض صديق زوجى ...

من الانواع الموجوده ... سيكلد وكذا نوع من انواع القولدن فيش فانتيل

ووحده كاليكوا ... يمكن كذا وحده كاليكوا لكن الوان مختلفه

وكذا نوع من الانجل ... وفيه انواع ثانيه ماعرفتها

ابيك تحكيلي عن الكاليكوا مره معجبتنىىىىىى

عاشقتهم اكثر من الباقي ...

بليز لا تتاخرين

العفو حبيبتي
انتي تأمرين

حبيبتي خذي هالرابط بيفيدج اكثر

http://fish-zxzr.8m.com/index.htm

واذا فية


اي استفسار انا حاضر