أعرف وحدة درست وهي كبيره بمدارس الكبيرات لان ماقبلوها اصلا

واللحين معها شهادة جامعية وتشتغل ماشاء الله معلمة ..

الاثنين اللي راح شفتها ماشاء الله وعرفت انها تدرس ..

يالله قصةتقطع القلب عسى ربي يعوضك..كملي يالغلا انتساب ...
الله يوفقك

كملي انتساب

واذا وصلتي اربعين وش فيها
الي عنده طموح مايفكر بعمر ولا غيره
اذا بتجلسين تبكين ع اطلال الماضي وتتحسرين على نفسك وتناظرين فلانه وعلانه وتقولين ليتني وليتني اجل ابشرك بتزيدين حسره وتعب وقهر وبتعجزين ويروح شبابك وانتي محلك سر
عمرك صغير كملي متوسط وثانوي كلها ست سنين وتمر بلمح البصر والمنازل مافي اسهل منها ويتعاونون مره مع بنات المنازل واذا خلصتي ادخلي الجامعه وكملي انتساب او تعليم عن بعد وافتخري بنفسك ولا تخلين احد يحطمك
يختي درسو معي بنات اعمارهم فوق الاربعين وكانو من اشطر البنات بعضهم من ثاني ترم تخرج توظفو واحلى الوظايف وحده منهم هي وبنتها يدرسون مع بعض كل وحده تخصص تخرجت قبل بنتها وكانت اشطر منها مع انها داخلين مع بعض بنفس السنه والحين ماشاءالله موظفه في الجامعه وعمرها بنهايه الاربعين ولا بان عليها ابدا تدرين ليه ؟ لانها حبت نفسها واكرمتها وسوت الي يرضيها ولا جلست تتحسر وتبكي وتندب حظها تحركت وقدمت ودرست وخلصت المدرسه وسجلت على طول في الجامعه كانت هي وبنتها يختبرون المتوسط والثانوي مع بعض ولا خلت احد يحطمها ولا يقلل منها
كملي وشجعي نفسك بنفسك

على الاقل كملي الين الثانوي انتساب صدقيني االايام تمر بسرعه عللشان ترتاحين من تفكير