السلام عليكم ورحمة الله وبركاته
تعقيبا على موضوع وحده من الاخوات عن مسؤل في الخدمه جاء معه لقاء على التلفزيون وقال مافيه وظائف
اسمعوا الخبر انا شفت اللقاء كللللللللللله طبعا المسؤال هومدير شؤؤن تعليم البنات واسمه راشد بن فياض الفياض هههههههههه حافظه اسمه كامل
المهم الرجال ماقصر وكان مره متعاون مع اسئلة المشاهدين ويوم سأله المذيع عن التقديم السنه هاذي قال بالحرف الواحد ان التقديم نفس تقديم السنه الماضيه ونفس الموقع لاكن راح يكون هناك تجديد للمعلومات يعني كل وحده تدخل موقع الخدمه المدنيه وتدخل رقم السجل المدني وتعدل بياناتها واذا فيه دورات اوتعليم زائد اونقلت المهم تعدل بياناتها ولما سأله المذيع عن اثبات الاقامه رد عليه وقال انها راح تكون موجوده للحد من حوادث المعلمات يعني ماقاااااااااااااااااااااااال الغيناه فاثبات الاقامه موجود نظرا لكثرة شكاوي المعلمات من الحوادث بصريح العباره اطلبي منطقتس ولاتناقزين في مناطق انتي بعيده عنها ثم تقعدين تشكين طبعا هاذا مو كلامي هاذا كلام المذيع
طبعا المذيع ماترك سؤال ماسأله
ثم سأله عن وضع بنات المدن مثل حالاتي لي 10 سنين وماتوظفت خخخخخخخ :06: قال *****الله راح يكون لطالبات المدن حل خلال السنتين القادمتين طبعا هو ماكثر هرج في هاذي النقطه مادري ليه شكله ماعنده سالفه:p
وقال ان التقديم راح يكون بعد شهرين يعني في شهر 6 هجري
اما أليت التقديم وهل بيخفون المناطق المحتاجه مثل العام الماضي ماتكلم فيها ابدا وقال ان التقديم راح يكون بالمفاضله طبعا قصده الدورات وشهادة الخبره واقدمية التخرج والتقدير العام للشهادة الجامعيه وفيه ملاحظه مهمه
فيه بنات ناشرين في المنتديات ان مافيه تقديم لخريجات المعهد وكلام فاضي
وقسم بالله الرجال ماقال مافيه تقديم لهم مادري من وين البنات يجيبون كلامهم
قال بالحرف الواحد وحطي تحتها مليون خط ان التقديم للجميع بدون مايحدد
لو مافيه لخريجات المعهد كان قال لاكن شدد على الافضليه ان التقديم على حسب الافضليه
وهذا بالتفصيل اللقاء اللي صار معه
يابنات تفائلوا بالخير تجدوه وبإذن الله يكون لنا نصيب منها ولاتسمعون كلام الجرائد الكذابه قال ايش عدد الوظائف السنه هاذي 2760 وظيفه مادري من وين يجيبون الكلام هاذا كله تأليف من روسهم المملكه بكبرها مافيها مدارس تبنى جديده مافيه معلمات ينقلون ويصير عجز في المدارس
ايه نسيت نقطه مهمه تكلم عن البدل وقال انه موجود و تقديمه يكون عن طريق الخدمه المدنيه مثل ماقدمنا في الاول عن طريق موقع الخدمه ومتى ماكان فيه عجز راح يتصلون على المعلمه البديله
والسلام ختام وهاذا اللي عندي ياطويلات العمر طبعا ان احترقت يوم شفت الاشاعات في المنتديات كثير عن التوظيف فقلت مابدهاش لازم اقول اللي شفته خاصه اني عاطله عن العمل و24 ساعه على التلفزيون السعودي والله صايره برامجهم رووووووووعه بعد ماغيروا الفارسي " دعايه :hahaha: طلعت برا الموضوع ههههههههه انا مادخل النت الا نادرا علشان كذا سردت لكم الموضوع كامل علشان ماحد يسألني بعدين :D
مابي منكم الا الدعوه الزينه
sdym-a-z @sdym_a_z
عضوة فعالة
بنات من قال ان مافيه تعيينات السنه هاذي " ادخلي هنا وتعرفين الخبر الاكيد "
38
3K
يلزم عليك تسجيل الدخول أولًا لكتابة تعليق.
ام سعود 66
•
الله يوفقك كلامك يشرح الصدر
الصفحة الأخيرة