عقار وومن :

أول باشتان : لا تزعلون من كلامي و لا تفهموني غلط ، و تاخذوا الأمر كشيء شخصي ثاني باشتان : بنات إلى متى بتصغرون عقولكم ؟ ما تعبتوا من اللت و العجن و الأسئلة البايخه اللي لا تودي ولا تجيب ؟ مره كنت اشاهد برنامج للشيخ الدكتور " سليمان العوده " ... و كان واحد متصل يسأله سؤال من طقة سؤالك هذا .. تدرين وش جاوبه ؟ قال له بكل بساطه : الأشياء تؤخذ كما هي على النيه ، سويها على اللي تشوف إنت لا تسألوا عن أشياء و تدققوا على أشياء ماله داعي تركز كل اهتمامك عليها و تترك الأهم !! قال له : يمكن الأمر لو سويته على نيتك رب العالمين عطاك عليها تروح تسأل و تبحث و تاخذ حكم و تصعب على نفسك ليش ؟ - انتهى - أنا ما أقول لك حرصك شي غلط ، بس إنت اسألي نفسك : وين بروح فيها ؟ هل بروح أتبختر وأستعرض فيها قدام رجال ؟ هل هو مستهجن في مجتمع النساء ؟ . . على فكره ، تعرفون قصة البقرة في القرآن الكريم ؟ بقرة بني إسرائيل ؟ 1- (وَإِذْ قَالَ مُوسَى لِقَوْمِهِ إِنَّ اللَّهَ يَأْمُرُكُمْ أَنْ تَذْبَحُواْ بَقَرَةً ) هذا الطلب اللي طلبه نبي الله موسى عليه السلام شفتوا كيف السهوله ؟ هم ما عجبهم ... رجعوا الا تبين لنا وش هي وكيف شكلها و وش لونها و و و !! و احنا بعد قاعدين نطبق و بكل جدارة و في كل شيء ( لتتبعن سنن من كان قبلكم ، حذو القذة بالقذة ، حتى لو دخلوا جحر ضب لدخلتموه ، قالوا : يا رسول الله ، اليهود والنصارى ؟ قال : فمن ؟ ) إن شا الله مفكرين التقليد بس في الاشياء السيئه ؟؟ لا يا حبايبي ، احنا نقلهم حتى في فلسفتهم اللي مالها داعي ربنا ييسر ، و احنا نعسر يفتح لنا أبواب ، واحنا ركككككككض نسكرها !! و بالأخير و بفضل أسئلتكم الرشيده الحلوه الجميله ، حتى البكل و البنس بتصير حرام !! . . رجاء ً يا بنات ما أبغى تجريح .. و كونوا متأكدين إن هالكلام ما حطيته إلا بعد نقاش طويل طويل مع ذوي العقل و الدين و الثقات و اللي ما عجبها ، تسوي نفسها ما شافته بالمره و تقول يا مثبت العقل و الدين !! تحياتي لكن :26:

أول باشتان : لا تزعلون من كلامي و لا تفهموني غلط ، و تاخذوا الأمر كشيء شخصي ثاني باشتان : ...