كل عام وانتم بخير تقبل الله منا ومنكم صالح الاعمال
تدرون ليه ما عيدت مع احد ..............كرشتي يالله اني اتحرك منها الله يهون علي
دعواتكم لنا بظهر الغيب

انا ماعيدت اصلا تعبانه ونفسيتي دمار وبعيده عن اهلي صباح العيد دقيتها نومه ولا لي خلق حتى اني اطلع من البيت
وسعي صدرك مو انتي لحالك حتى ولا وحده من البنات اللي اعرفهم عيدت لي طبعا ماراح اقول صديقات لاني ماعتبرهم صديقات اصلا
عيدك مبارك وكل عام وانتي بخير

انا مثلك بس مااحب العيد

يوووو صار شي عادي .. انا زوجي مسافر وبعيد مع بناتي اعمارهم صغيره

تقريبا لوحدي .. وصراحه كنت حاسه اني بتضايق بس بعدين خلاص رضيت بالأمر الواقع

وحاسه انه كانه اي يوم عادي نمت وقعدت الظهر .. وسويت حليب لبناتي وجلست على التلفزيون

والحين اتكلم معاكم ....

يابنااات باقولكم شئ والله العظيم ان االي تبي الوناسة تلقاها لو ماعندها احد
انا ياحبيباتي في مدينة ثانية بعيدة عن اهلي -- اهلي يتجمعون ويعيدون ويستانسون ماشاء الله وانا زوجي يخليني اروح لهم كل وقت الا العيد يبيه معاه
المهم وش اسوي اخرب بيتي عشان يومين في السنة ؟! اصحى والبس العيال والبس واسوي قهوة واكون رتبت البيت من قبل بكم يوم واقول للعيال هذا عشان العيد واعلق زين وبلونات وصباح العيد احط القهوة ونروح نصلي ونرجع نفطر ونشرب قهوة ونشغل اناشيد العيد ونعيد على بعض اعطيهم ويرجعون يعطوني خخخخ يعني منه اليه--- المهم يجي العصر نسلم على اللي نعرفهم واحيانا يروح زوجي وابقى بالبيت الين الليل عشان نطلع وبالليل نروح الملاهي واليوم الثاني اذا فيه حد من الاصحاب او الجيران نعزمهم ونتغدى سوى واذا مافيه نروح مطعم يعني صراحة صح العيد بدون الاهل من وجهة نظري استجداء محزن للفرحة لكن كله عشان هالصغار المساكين وش ذنبهم لازم نسوي لهم ذكريات حلوة يتذكرونها اذا كبروا لانه ماراح يبقى لهم الا احنا وهالذكريات بعد الله سبحانه وتعالى ليه نحرمهم منها حتى لو تكلفناها وصنعناها
وسعوا صدوركم
انا اروح لاهل زوجي وقمة الملل ما انسجم معاهم لكن لان اولادي يلعبون مع الصغار عيال عمهم اتحمل عشانهم
من اراد السعادة والله يلقاها
اذكروا الله وتعوذوا من ابليس ولن يغير الله مابقوم حتى يغيروا ما بانفسهم
اسفه ان كان قسوت عليكم لكن والله احبكم من قلبي وقصدي الكل يكون مبسوط حتى لو لابس بيجامة وعالسرير والجهاز قدامه يطقطق عليه خخخخخخ<<<< ماتقصد نفسها ولاشئ