الله يوفقك ويتتم عليك بالخير البنات ما قصرو ابدن

الله يوفقك ان شاء الله ويبارك لك في زواجك ويطرح البركه بمهرك
شوفي اختي ماراح ازيد على اللي قالوه اخواتي فيهم البركه فعلا اشتري لك على الاقل طقم ذهب واحد تواجهين فيه اهل زوجك وفستان سهره واحد للصباحيه وعطرين فيه عطر من جفنشي سعر الصغير ب200 والله قليله روعه عليه اسمه ادموزيل وكريم معطر من ايف روشيه لون العلبه زهري وراح تدعيلي معاه ان بغيتي عطر نفس الريحه مركز وكحل وكم روج وكريم اساس من ماك راح يكلفك تقريبا 800 واستشوار الازرق مدري شسمه سعره ب150 وعبايه من المغاتير ببريده لالعثيم مول سعرها تقريبا200 واهم شي ملابس النوم وبجامات البيت كثري منها لانك راح تشترين ان شاء الله بشهر العسل ويمكن تملين من ملابسك وانتي لسى مالبستيهن ويمكن ان شاء الله تحملين على طول ولا يمديك تتحللين لبسك الامور كلها تساهيل ان شاء الله اذا نزلتي للسوق راح تندمين انك اخذتي هم المهر اغلب اللي مهورهن 50 واكثر تروح على الخرابيط يمكن الاساسيات بس 20 الف الله يوفقك ويسعدك بزواجك ويبارك لك بمهرك

يارب انك تيسر امر ام القطامي وتفرج همها وتبارك لها في مهرها
ادعي ربك ليل ونهار والله راح تتيسر
خلي كل شي بروواقه والله راح تتهنين بمهرك
اقلهن مهر اكثرهن بركه
اهم شي التوفيق في الحياة الزوجيه
اهم شي ليلة العمر الليله الاولى فستانك ومكياجك واشتري ملابس بيت بس لاتكثرين 4 قميص نوم 4 بجايم ومع بناطيل واشتري لبس طلعات واذا صارت ناعمه تكون احلى واشتري عطرين يكون مركزين ومع مجموعه من الكريمات من نكتار او بودي شوب واشتري اجهزة كهربائيه مثل استشوار واله حلاقه يكفي والميكب تلقين لك شنطه كبيرة بحدود 300 احلى شي وفخمه من مكياجي
ان شاء الله يتيسر زواجك وتروحين مع زوجك في شهر العسل وراح تشرين اللي تبينه
وشري لك طقمين ذهب تلقين 2 طقم ذهب 3000 ريال
وادعي ربك ان يسر امرك
وان ابدعي لك يالغلا
واعذريني عن القصوور

5 الاف طقم ويكون الطقم قليييييييييلة فصوصه وعيار 21
5 الاف فستانين عاديه وبناطيل جينز واسود و4 بلايز كشخه وشوزات اهم شي الوانها مناسبه مع كل شي زي الاسود والابيض والسكري والشنط كمان خليها شنطتين والشنط في كل مكان رخييييصه وتشبه الغاليه اللي من الماركات
5 الاف لانجري من اي محل لان الرجال ماهم دارييين لاعن ماركات ولاغيره والاجهزه اللي تبغينها
والف ريال بس للمكياج انا كلفني مكياجي الف ريال بالعطور كمان عطرين اشتريت صغيره وظل مع احمر خدود وارواج وكونسيللر من مكياجي ب 199 رااااائع جمييييع الالوان فيه وحلللوه مررره والاساس والبودره من ماك مو غالي مررره وبسسسس
وان شاءالله تكفيكي ياااااارب

شوفي وانا اختك لاتهتمين ولاشي مب مهم تشترين اشياء كثيرة

ااشتري ذهب طقم واحد الذهب زين على العروس يعني مثلا لو شريتي طقم بست الاف
بيبقى 9 الاف
التسعه خلي مثلا الف للكوافيرة وفستان استجاري فيه محلات يجارون بثلاث ميه
والله ان المشتروات ماهيب هي السعادة مب مهم توجدين شراء مب مهم تشترين كذا نوع من العطور واحد
يكفي اشتري كم قميص حلو وكم فستان وبعد الزواج بتشترين معه
مب مهم شراء الماركات فيه محلات تبيع فساتين وقمصان نوم وارواب رووعه وتشبه الماركات
انتي توكلي على الله ولاتهتمين صرفيها زين وبتكفي وتزود بعد
مب لازم شرائ شنط ماركات
مب لازم شراء كذا جزمه الله يكرمك
العبايه احسن عبايه تلقينها بميتين ريال
والله لو تصرفينها زين غير تجي معك
اهم شي اشتري مكياج زين وحلو
والله لو اعرف بيتك كان ارسلت لك معونه من عندي
اذكرك اختي ان التوفيق اهم من الشراء وكثرت المشتروات
بكرة معه ان شاء الله بتشترين اللي نفسك فيه
اشتري الحين اللي تقدرين تلبسينه بايام شهر العسل يعني كم قميص نوم كم جلابيه وكذا تطقيمه حلوة لرحتي زيارات لاحد
واكيد لرحتي تمشين معه بتشترين
الله يوفقك ويسعدك ولاتهتمين من جد من شاف مصايب غيرة درى انه بخير
والله اني اعرف بنات جميلات واعمارهن على 26 و 28 ماتزوجن لو يجيهن مهر بالفين تزوجن

موفقه اختي من كل قلبي قلتها

امانه ان تدعين لي ان الله يشفيني

اختك في الله