بنات مهمووومه مره و خايفة من الناس تعالوا واسوني

السلام عليكم
كيفكم بنات ؟
من زمان ما شاركت مشغولة بولدي الله يسلمه عمره سنتين و اربع شهور الله يخليه لي
انا مررررره مقهوووورة على ولدي
قبل شهرين كانت عنده كحه شديدة و كنت اراجع معاه بالمستشفى نزلت مع ابوه من السيارة و ابوه ذكر شغله و رجع و ما انتبه ولدي للحركة و كنت راكبه الدرج مع ولدي فجااه التفت ما لقى ابوه قام ساب يدي و رجع يركض و طاح من على الدرج بسم الله عليه على جبينه فوق الحاجب ما بكى ولا شي انا انفجعت رحت اشيله وهو ساكت فجاه صرخ و رفع راسه وجهه كله دم ااااااه من داك الموقف لما اذكره ابكي
صارت ثيابه و ثيابي كلها دم دخلت اصرخ على الاستقبال و اسعفوه و لحق ابوه يجي قالوا خياطه انا طاح قلبي ااااه عليك يا ولدي ايش تتحمل
ما لكم بالطويلة خيطوه ثلاث غرز وانا مررره تعبت عليه
المهم صار ذا الموقف و للتوضيح انا بغربة و شلت هم كيف اقول الخبر لاهل زوجي !!! اخاف من ردة فعلهم مره اتحسس منهم و من رايهم اهلي عادي ما راح بنتقدوني و لو بيتكلموا بيكلموني بوجهي بس اهل زوجي حيتكلموا من ورايا
المهم عدا الموضوع على خير و عرفوا
المصيبه ان ولدي امس كنت اسبحه بالحمام وانا متعوده يلعب براحته بالحمام مافي شي خطير
وكنت ادخل اطل عليه كل شوي ما اخليه المهم قام حبيبي ولدي قام من المويه و ضرب راسه بالباب فوق عينه و نفس طريقة الجرح الاول قام يبكي يناديني دخلت و قمت اصرخ انادي على ابوه !!!!
و على طول المستشفى و نفس الطريقة الدكتور قال مافي حل غير الخياطه
قال لو ما تخيط اثر الجرح بيصير بااااين مره و الخياطه ممكن يختفي او يضل اثر خفيف
انا مرررررررره متقطع قلبي على ولدي و نفس الوقت وصيت زوجي ما يتكلم لاحد
قال وش فيها يعني ؟ قلت العالم وش بتقول عني ؟ راميه الولد و كل يوم اصابات؟
مرررره متحسسه من الموضوع و احس اني شايله هم زيادة
حتى الحضانه الي هو فيها شيله هم لما يشوفوه احس اني ام فااااااشله و تعبانه نفسيتي مره
خايفة احد يكمل التاقص و يجرحني بالكلام
زوحي يقول لي يعني الاطفال الي تموت فجاه ولا غرقانه ولا محروقه اهلهم هاملينهم يعني !!!؟ و مو مستوعب من ايش انا خايفة وليش اصلا شايله هم الناس !!
اتمنى تكونوا صريحين لكن رجاء بدون تجريح الي فيني يكفيني

و في الاخير اطلبكم تدعوا لولدي بالشفاء العاجل معاه مرض من ولادته في فرصه كبيره لشفائه منه
مع العلم ان ولدي بسم الله ماشاء الله جدا جميل و احس ان عيون الناس اكلته مع اني استودعه و احاول احصنه بقدر الامكان و انا عايشه ببلد معروفين بقله جمالهم فلما يشوفوه ينبهروا فيه لدرجه انهم يشهقوا بوجهه
و بدون مبالغه كل من شافه التفت عليه بشكل لااااافت الله يحميه من عيونهم