انا اللي اعرفه من اهلي ان الليمون والبرتقال الحامض بس هو اللي ممنوع

اما الماء والعصير ممنوع هذي شي غريب ..بالله كيف نرضع عيالنا اذا ممنوع نشرب شاي والا حليب طول اليوم


اهم شي نظافة المنطقه الحساسه حتى ماتصير التهابات ومويااات على قولتهم..........
الرطوبه تجي من الالتهابات وبسسسس... والرياضه والحركه حتى يشد الجرح والمنطقه الحساسه بسرعه لان الحركه تقوي العضلات وغيرها لايشد ولا يمد .. والتدفئه لازم جواريب سواء صيف او شتا اكلات النفاس المعروفه

واللي تقول عن الاجنبيات مايسوون شي من قال مايسوون؟؟

هم يستخدمون تحاميل طبيه بالمهبل ويمارسون الرياضه بعد الولاده بفتره بسيطه ومعروف عندهم انهم يتدفون زين بعد الولاده وياكلون اكل صحي و بسسسسس

اما خرابيطنا ماعندهم

شوفي اذا على الملوخية والشمام والبامية انا سامعة الدكتور جابر القحطاني يقول ما تاكلها المراة في النفاس والدورة

عزيزتي
اولاً الله يهون ولادتك ويقومك بالعافيه ان شاء الله

ثانياً
يا اختي .

شوفي المعقول من هالكلام وخوذيه .... واتركي اللي ما يدخل المخ مثل اللي تقول لا تكثري موية ..... وشلون تحصل عمليات الايض في اجسامنا لو ما شربنا موية . ؟؟؟؟!!!!


على كل حال

نجيبها ببساطة .

الحامض ممنوع . بس ممكن تشربي عصير برتقال طازج بس خليه حالي
تجنبي البرد و البارد .... يعني تدفي والبسي جرابات وبنطولون طول الوقت . و تجنبي شرب اي شي بارد حتى لو برودة الموية من الحنفيه واحنا بالشتاء .

والحلبة . مفيدة صحيح بس لا تتجاوزي العشرين يوم . تراها ترخي الرحم وتجيب المويات .ولا تقولين ما راح اكل حلبه ما تبين الريحه ... ترى والله تندمين بيتدمر ظهرك . والعلم عند الله .
تجنبي القرع كمان يجيب الموية .
عليك باكل البر مثل المرقوق او القرصان او المطازيز .لانه لين على المعدة و ما يسبب لك امساك .
تناولي بروتين مثل شوربة العدس او مرقة لحمة او دجاج .
تناولي الحديد كبسولات كانت او كولي تفاح بس ترى الحديد بيسبب امساك بس تحملي علاشن يلتئم جرحك .
الماش ترى موب زين للنفساء فقط .والا فوائده كثيرة بس يجيب الموية .

انتبهي انتبهي انتبهي من الجوع ...تراه اكبر غلط .

عاد تبين تصدقين .... تبين تعارضين ...

جربي وامشي على برنامج خرابيط ..... وشوفي الفرق .....

ترى ان كنتي بكرية . بتقولين ليه التشدد والخربطة . وراح تطلعين حوسة . بس بالنفاس القادم ان شاءالله اكيد بتحطين انتي برنامجك و ان شاءالله بيكون كل شي تمام وتطلعين بنت بنوت

لاتعليق

الى اعرفه انه

برتقال الطازج
مفيد

والحلبه والاعشاب كمان

وماء لاتكثري منه بس

الترويش يوم ويوم لا
لزم النظافه

واسمعي كلام الالحريم مثل امك اوعمتك ماعليك من المنتدى

الحمد لله انا ما اقتنع باي شي ممنوع خلال فتره النفاس ولا بنظام معين اكل اللي ابغاه وكل شي بالذات البرتقال احبه واكله كثير .... والحمد لله هذا 3 ولاده عندي والحمد لله لا خراب ولا ما يحزنون ... قولوا ماشاء الله ...

صدقوني كلها خرافات واعتقادات خاطئه هالانظمه .. الوحده تاكل كل شي باعتدال وبس ... والاغذيه الصحيه .... حتى امي وقرايبي كلهم ما عندهم نظام معين والحمد لله عمرهم ما اشتكوا .....

انا حتى الحلبه واللهومات اللي تقولوا عليها ما اخذها ابدا ... احنا الحلبه عندنا بس نسويها زي الحلا بصينيه ونسقيها بالقطر تكون جدا لذيذه ... اما شراب ما اطيقها .. واكلتها بس مره وحده في نفاسي ...