بنات مين بتصير معاي ,ونشجع بعض ؟

السلام عليكم ورحمة الله وبركاته ,كيف حالكم ياحلوات؟
خلونا ندخل بالموضوع دايركت , انا فيني اثر حب شباب احمر في خدودي واشوي على صدري ,وتعبت من كثر الكريمات الطبيه اللي لاتسمن ولاتغني ولاتنفع :06:, وقريت في منتدى انه يستخدم لحب الشباب واثره مره مطحونه مع عسل وينحط عالوجه مرتين باليوم ,وانا قد من زمان جربت شبه مطحونه منقوعه بلتر ماي ونفعت معاي بس خلص الماي وماعدت سويت جديد , سوو اشقلت بابدا اسوي ,لان خلاص لازم نلقى حل :D,قلت بستخدم المره المنقوعه بعسل مرتين باليوم المره ال1 بحطه واجلس فيه واذا جيت بغسله اغسله بعصير الخس المغلي انا مافهمت هذي العباره بالمنتدى ولكن انا قلت اني بغلي الخس في ماي واكيد ان العصاره اللي داخل الخس بتطلع في الماي فباخذ الماي واغسل فيه وجهي بعد المره والعسل
والمره ال2 قبل النوم بساعتين احط المر والعسل واذا جيت بنام اغسل وجهي بماي الشبه
والحلو ان هالاشياء بسيطه وطبيعيه والرسول عليه الصلاة والسلام ذكر المره وهي مضاد حيوي طبيعي والعسل طبعا انذكر في القرآن الكريم انه شفاء والخس طبعا معروف انه يحتوي على عصارة وانزيمات كابحه والشبه مالحه والحبوب تطلع من دهون ,يعني الملح يقضي على الدهن ,هذي يعني براهين تساعدكم انكم تنضمون لحملتي وكلها اشياء طبيعيه مامنها مضره اذا ماساعدت , بس انا ابي انوه عن شي انا سمعته من اختي عشان اكون بلغت بأمانه , ان العسل يكثر الشعر ,مدري اذا هالشي صحيح ؟
ها ياحلوات مين بتشاركني ,ونبدا على بركة الله ونشجع بعض:27: ؟