بنات مين تعرف هالحشوة

أختي اللي أعرفه أن الحشوه دجاج مفروم ناعم مع تتبيله وثوم فيه أشياء ثانيه لكن ماأعرفها دخلت وما حبيت أطلع وأنا ما رديت وإنشاء الله تلقي الطريقه.

مشكورة اختي على الرد انا اعرف ان فية حشوات بالدجاج المفروم بس هذي ناعمة كثير لدرجت انه لايوجد بها قطع بس طعم الشاورمة على العموم مشكورة مرة ثانية هاة وش اخبار الشطة الحارة ان شاء الله لقيتيها

اختي
هذي دجاج مسلوق مضروب بالمحضره اللي تكون مدوره وتعجن مو خلاط الطمام
ينحط وياه قليل من المايونيز والروب او الزبادي وفلفل ابيض وثوم هذي انا اسويها مو للأقماع لحشو الفطاير بالكب كيك سواء عجين البف باستري الجاهز او عجينه يدويه الصنع
والله اعلم
ومالها مقادير
حطي الدجاج مع ملعقتين روب وملعقة زبادي ولفي المكينه عليه راح تشوفينه يحتاج ولا لأ الروب ضعف المايونيز والثوم حسب الرغبه

مشكورة اختي ماكو اسامي جزاك الله الجنة بما فيها وستر عليك في الدنيا والاخرة شكلها هي نفسها الحشوة اللي ملعوزتني بس لو تكرمتي وشرحتي لي لاني ما افهمت كيف يعني مضروب بالمحضره اللي تكون مدوره يعني اسلق الدجاجة وادقها بالهاون حق الثوم والا كيف انا منتظرة الرد

اسلقي الدجاج والافضل الصدرو يعني لو تجيبين اربع صدور دجاج مخليه سلقيها بماي وبصل وباقي الشغلات بس لا تكثرين الماي عشان طعم الدجاج لا يروح يعني بس يغطيه نتفه
يسلق جيدا ويبرد
لو كا عندج المحضره اسمها محضرة الطعام اللي تفرم الخضار والبصل مدوره وداخلها شفره تفرم
لو ما عندج امرج لله افرمي الدجاج بسكين ناعم جدا والصدور بسرعه تتفتت وياج
بس حطيها بماعون واضيفي لها اول شي ملعقتين روب ووحده مايونيز وثوم مفروم ناعم مهروس ورشة فلفل ابيض (ممكن تحطين ملعقة اكل زبده تعطي ريحه ونكهه بس لا تعلمين احد) ههههه
بس اخلطي الخليط وحسيه متماسك ولا لأ لو ناشف شوي زيده ملعقة روب ونص ملعقة مايونيز
حسب طراوه الخليط انتي تحددينها بس هي ما تكون سايله او رخوه تحكمي فيها انتي
واي سؤال من عيوني