الله يرزقها باللي نفسها فيه ويرزقها بالطفل السليم المعافى

مب شرط
في وحدة من قريباتي راحت نص الرابع قالولها بنت وهي خلاص اطمنت انها بنت وفي السابع راحت واكتشفو انه ولد يعني بعده ما مبين

دموع الوفا
هل يعني السونار يخطأ اغلب الاحيان ام احيانا
انا قالوا لي بنت
بس قلبي يقول لي ولد

تتوقعين خطأ

حبوبة لا تحاتين وأعتقد شوما كان نوع الجنين مايأثر عندج الأهم إنه يكون بصحة وعافية وكامل الخلقة والخلق وإلا لا؟

حبوبه بقولج عن نفسي أنا لمن دخلت الشهر الثالث كنت دايم أسأل دكتورتي "طبعا مستشفى حكومي" عن جنس البيبي كانت دايم تقول لي حبيبتي توكلي على الله توكلي على الله وظلت تقول لي هالكلام في كل موعد وِأنا كنت أنحرج من كلامها رغم أنها في قمة الذوق والطيب وحنونه جدأ بس ماكنت أعرف السبب وأنا كنت أسألها مب علشان شيء هذا أول بيبي لي وكنت في العشر الأواخر من شهر رمضان المبارك كنت أحلم بخالي المتوفي يقول لي سمي ولدج بإسم "محمد" يعني على اسمه المهم هذا الموضوع شغل بالي وكنت من خلال هالحلم حاسة اني فيني ولد وكان اصراري اني اعرف جنس البيبي بس علشان اتأكد من صحة الحلم اللي حلمته أكثر من ثلاث مرات في العشر الأواخر بس ماحصلت أي إجابة من دكتورتي رغم أنه ماكان يفرق عندنا سواء كان بنت أو ولد كفاية الحرمان طوال أربع سنوات أذكر في الاسبوع السادس عشر كان عندي موعد وطلبت من دكتورتي تشيك لي فقالت لي حبيبتي توكلي على الله وتوه بدري فقلت لها ان رفيجتي بان عندها من الاسبوع الرابع عشر وانا عديت الرابع عشر فقالت لي يمكن لأنها هذا ثاني بيبي لها .

المهم اليوم الثاني أصريت اني اتأكد فرحت عيادة خاصة عيادة ميسون قيسي عند الدكتورة ماريا وسبحان الله قالت لي الجنس باين وواضح وضوح الشمس تبارك الرحمن "ولد" والله قعدت أبكي أنا وزوجي مب علشان انه ولد بس عشان الحلم اللي شفته وأنه ماكان حلم بل رؤيا وطبعا هذا أول بيبي لي بعد زواج اربع سنوات وبعد أربع اجهاضات .

المهم بعد فترة كان عندي التراساوند بالمستشفى الحكومي والدكتورة اللي بتسويلي الأشعة كانت توها مبتدئة فقالت لي راح اقول لج عن جنس البيبي بس لا تقول لهم اني خبرتج لأنه ممنوع نقول للحوامل عن جنس الجنين لأن في حوامل إذا يبون ولد ويطلع لهم بنت وعندهم بنات بالعايلة يسوون أي شيء علشان ينزلون الجنين إذا كان بنت لا حول ولاقوة إلا بالله.
فقلت لها انا أعرف الجنس بس بعد أبغي أتأكد أكثر من صحة كلام الدكتورة السابقة رغم انها صورتلي العضو وعطتني الصورة.
فقالت لي "ولد" فقلت لها انتي متأكدة 100بـ%

فقالت لي حبوبه ولدج تبارك الرحمن فاتح رجوله علشان يقول لج : ماماتيييييييييي زهبي لي أغراضي لحد ما أوصل بالسلامة أنا تراني ولد خخخخخخخخخخخخخ:22: ولوني المفضل أزرق ..

لذلك إذا انتي بخاطرج تعرفين جنس البيبي ماأعتقد المستفيات الحكومية يخبرونج إلا انتي وحظج بس دام انج قلتي ان دكتورتج تعرف انج عندج بنتين فمعنى هذا هي خايفة على البيبي إذا كان بنت يمكن تأذين نفسج علشان تبين ولد .

اتوقع مو واضح

والدكتوره ماتبي تقول شي ويطلع غلط :)



والله يرزقها باللي في بالها