بنات مين سافرت المدينة المنورة ؟؟؟؟ تدخل للاهمية

اضم صوتي لك انا ان شاء الله بروح لها الاسبوع الجاي وودي بمعلومات عنها

هلا حبيبتي
انا رحت المدينه اربع مرات سكنت الله يسلمج بفندق دار الايمان انتركونتينتال فندق موفنبيك هاي يطلون على الحرم وسكنت مره في فندق ايلاف طيبه بعد جريب من الحرم
الاماكن الي تزورينه الحرم النبوي وتروحين عند باب رقم 27 اذا ما كون غلطانه تدخلين منه حق الروضه الشريفه وتصلين فيه وتدعين بما يتيسر لج لان الرسول عليه الصلاه والسلام قال (( ما بين بيتي ومنبري روضه من رياض الجنه )) واكثري من الدعاء ولا تنسيني معاج ان تدعين لي بالصحه والعافيه يوجد في الرضه قبر الرسول عليه الصلاه والسلام وقبر ابوبكر وعمر عليهما السلام بعدين لين تطلعين عندج مقبره البقيع فيه قبور ال البيت والصحابه بيكون جريب من الحرم تقدرين تروحين المزارات مثل جبل احد ومقبره الشهداء وتروحيم مسجد قباء وتصلين فيه ركعتين لان الصلاه فيه تعادل اجر عمره كامله وعندج المدينه مشهوره بالتمور الزينه وفيه بعد الاسواق والمجمعات (( يارب الله يكتب لي ان احج واعتمر هاي السنه امين )) ان شاء الله افدتج اذا رحتي مره تبين تروجين كل مره سبحان الله

شوفي الاسعار متفاوته وخليك جنب الحرب احسن لاتبعدين
ولازم تروحين لموقع غزوه احد وبعدها موقع غزوه بدر وراح تشوفين المكان اللي صارت فيه المعركه مسور
وخريطه المعركه ومكان نزول الملائكه ...
وهناك قبور شهداء بدر ولوحه باسمائهم الله يحشرنا معهم
لكن بدر تبعد عن المدينه 70 كيلو تقريباا
واحد داخل المدينه
وانا بالنسبه لي دايم اسكن بفندق دله ومره سكنت بفندق رفاده الزهراء
وقريبين كلهم من الحرم وسمعت عن فندق الحرم لكن ماجربته

انا سألت عن فندق قريب من الحرم قال غرفتين بــ650 او 600 مااتذكر
والروضة تدخلين لها من باب 29 وقت الزيارة فترتين الفترة الاولى من 1 الظهر الى 3 العصر
والفترة الثانيه من 6 او7 الصباح حتى 10 صباحا ...
والاماكن عندك مقبرة البقيع قريبه مرة من الحرم وعندك مسجد قباء وجبل احد وجبل ثور ومقبرة شهداء احد وجبل الرماة والخندق
اتمنى اكون افدتك ..

الفنادق اللي حولين الحرم كثيره بس اللي تلقيه ممكن يكون فاضي رتاج الحرم و هو شرق الحرم و قريب تروحين مشي للحرم الغرفة بمائتين ريال و الجناح باربعمائة ريال و رخيص و الفندق جديد و انا رحت قبل شهر كان والله مره زحمه ان شاء الله تكون خفت الزحمة تصدقين بس اروح للمسجد ما الحق اروح مكان ثاني بين المغرب و العشاء اجلس في الحرم و قبل الفجر و بعد الفجر شيء رائع الود ودي ما اجي من المدينه و الله يهنيك و من المقبولين ان شاء الله