انا نفس الشي بكريه ومن يووم دخلت السابع وراس الجنين فوق
واللحين انا في بداية الثامن والدكتوره تقوولي نهاية الثامن يقررون اذا اولد عمليه او لا
وبصرااحه انا خايفه من الطبيعي واحس العمليه افضل...
الصفحة الأخيرة
سجلت دخول اول ما قريت الموضوع عشان اطمنكم
أنا في حملي الاول راس بنتي كان فوق من الشهر السابع
لين الشهر التاسع نفس الوضعيه كانت بنتي جالسه وراسها
فوق وأبدا ما قلبت وقرروا لي عمليه وجازوا لي الاوراق عشان
أوقع يسوون لي عمليه قبل موعد ولادتي باسبوع
كنت محبطه وفي حالة قلق وسمعت استشارات كثير
وطبقتها مثل الحبي وأطالت السجود وماتغير شي
لكن ما يأست ودعيت ربي كثير لين ما وصلتني معلومه
ان في مستشفى يعدلون وضع الجنين وهو مستشفى الكورنيش
في أبوظبي نفس الاماره اللي أنا عايشه فيها ورحت عندهم
كان باقي أسبوعين على موعد ولادتي والدكتوره المختصه
قلبت بنتي بطريقه مساج على بطني بطريقه معينه وصار
راسها تحت ووضعها طبيعي وولدت في نفس المستشفى
طبيعي الحمدلله
اسألوا أكيد عندكم دكاتره مختصين في تغيير وضع الجنين
في المستشفيات الكبيره ترى الطب تطور
أنا الدكتوره اللي كنت اراجع عندها في مستشفى خاص
الله يسامحها ماقالت لي انه فيه في مستشفيات ثانيه
كانت تبي تستفيد لما تولدني عمليه صاروا الدكاترة ماااديين
مافيهم إنسانيه
الله يسهل عليكم