بنات كانت تدور براسي شغله .. وتذكرت موضوع قلت اطرحهه عليكم يا ترى مريتو بهالموقف وشنو كان احساسكم .. شلون تصرفتو ؟؟؟
تبون تعرفون شنو الموضوع
ياترى في وحدة منكم حضرت هوشة احد طرفها زوجها :arb:
انا صار لي هالموقف :icon33:و راح ابتدي بسالفتي
سالفتي يا طويلات العمر .. كنا طالعين من السوبر ماركت وما مدانا نعدي الا شوي وبتصدمنا دينه اللي تشيل الاغراض .. انا قلبي طاح برجولي لانها كانت صوبي .. ووقف زوجي ماتوقعته ينزل مو راعي هوشات "هذا اللي كنت اظنه"
شفته نزل من السيارة على بالي بيتفاهم بس مع راعي الدينه .. وحسيت بشي غريب واطالع من المراية الا الهوشه قايمه وما اشوف الا الايادي ترتفع وهاته شدخ .. يممممه :icon33:
واطلع من السيارة وكانت ورانا سوبر فيها رجال وحريمه طلعت من السيارة وهاته بجي زووووووووووووجي
حتى من صراخي قلت اسمه مصغّر
عليّااااااااااان جيبووووه يمه زوووووجي على طول طلع راعي السوبر وقال لحريمه مسكوها لاتطيح هدوها
قاللي سمي بالرحمن وزوجج بجيج
والحريم يهدوني تعالي اركبي جاني ضيق تنفس بالشارع زين ماطحت عليهم .. وانا صيااااح وبجي ما اشوف الا رجال ملتمين وابي زوجي يطلع من هالحشره
ما شفتهم الا جايبينه بالغصب .. ويقوللي الرجال خلااااص اركبي السيارة وهم يقولون لزوجي ارجع لزوجتك ارجع العن بليس
بس كانت حالته حاله
راح بثوب ورجع لي بسرواله وفالينته وشعره معفس :44:
وانا حالتي حالة
صج كان يوووم مو طبيعي .. بعدها حرم يسوي هالحركة وانا معاه .. اصلا من بعدها ماتمشكل مع الاوادم
وصار يفكر قبل ما يسوي اي حركة يندم عليها
:(
هاااااا قولو مواقفكم ... وان شالله ماكو مواقف مثل هذي
مع السلامة
بس ماقلتي لنا يا صاحبه الموضوع منو اللي فاز بالمعركه p: