الحين استحدثوا آلاف الوظائف لخريجات الكلية المتوسطة الله يوفقهم ويهنيهم
لانهم وكلوا محامي لقضيتهم لقت من يلتفت لها
احنا في دولة فيها الفساد الاداري متفشي بشكل لايوصف كل شخص مايلتفت لغير نفسه
انانية واشباع طبقة على حساب طبقة اخرى
طيب ليش مانكون مثل الدول العظمى اللي توفر للشخص راتب حتى يجدون له وظيفة تناسبه
احنا اقل بايش
ميزانية ومتضخمة بعد يعني مايقدرون يلتفتون لهالعينة من الناس
عاطلين ويقفون عاجزين عن فعل اي شي

يارب سلط على من كان السبب
يستأثرون بالمال على اشياء تكميلية وترفيهية وهناك من الشعب من يتضور جوعاً ومايجد يد تمتد له
وبعد بكل وقاحة يقولون الدولة مو مكلفة بتوظيف الجميع
طيب بيت مال المسلمين اليس للجميع حق فيه ؟؟؟؟؟

بنات أنا مع اللي تقول لي هذا رزق مقسوم << آمنت بالله وهو أكرم الأكرمين

وأنا مع اللي تقول عساه خيرة >> الله يكتب لنا الخير ويرضينا فيه



لكن الرزق ما يجي إلا بالسعي واحنا سعينا بشي بسيط وهو التقديم والبحث بس لما نشوف الوظائف فيها تلاعب هذا ظلم ما نسكت عليه

حسبي الله من أمس وأنا أقولها لأن يوم شفت الموضوع لقيت ناس حول 13 و 15 سنة ما توظفوا
ليه ؟
ما فيه وظائف ؟
ما فيه ميزانية ؟
ما فيه مدارس جديدة بنوها ؟

أنا اقترحت فكرة بس ما وصلت أو ما هي مناسبة لهم عشان كذا ما طبقوها ( الفكرة إنهم يعينون القديمات حسب السنوات وكل مفاضلة يحددون خريجات سنوات معينة لين ينتهي التكدس وكذا بيوصلون لخريجات هذا العام بدون ما يصير تكدس وبطالة )

وفكرة التقاعد وش صار عليها

وفكرة النصاب الجزئي وش صار فيها

ولا هي بس تسكيت لنا ؟

لاحول ولاقوة الا بالله 
الله يرزقنا الوظيفة يارب 
5سنوات متخرجه

انا سبع سنوات ومتحطمه الله يرزقنا من فضله

يابنات الي متخرجه قريب ومستنيه التوظيف

نصحيه لوجه الله لاتغلط غلطتنا وتضيع الوقت قهر وتحسر

تستفيد بكل لحظه فيه بالتعلم والعلم والمشاركه وتنميه الهوايات والمواهب

الي ماعندها انجليش تدرس من دحين واذا معاه فرنسي خير وبركه

خلونا نتطور ونرتقي بانفسنا وبلدنا

الدوله الوحيده الي فاشله في اللغات ! شووفوا الدول الي جنبا اكثر من لغه

واحنا اتفه لغه مو متقيننها


عندك هوايه حاولي تنميها رسم خياطه حاسب اي شئ


اقراي تثقفي طوري نفسك

والله كذا الوقت يمر عليكم بسرعه وباكبر قدر من الاستفاده

اتذكر ايام الثانوي كان لي زميله ماسجلت سنه خلال السنه هذي تعلمت خياطه


حاولي برضوا تكونلك تجارتك الخاصه سوي زي التاجرات وتاجري باي شئ

وكل هذا سهل ومتوفر في ظل وجود المعجزه الكبرى ونعمه الله علينا الي هو الانترنت


كل شئ تتعلميه من خلاله ببلاش ...


بس الهمه وتنظيم الوقت


وااكد عليكم من قبل وبعد الصبــر الصبر الصبر

والله اني ذقت المر اضعاف مضاعفه لين الله مافرجها علي

ويشهد الله علي اني ماتذمرت ولاعمري تكلمت او شكيت لاحد

طبعي السكوت واكتشفت انه احسن طبع ..

ياينات كنت اقرا قصص المحبوسين والمبتلين واجد فيها عزاء وسلوى

قرات كتاب نلسون ماندلا رحلتي الطويله من اجل الحريه

وقرات قصه السجينه لمليكه اوفقير

وقرات طفل اسمه نكره وكلها قصص حقيقيه

وكلهم فرج الله عليهم وهم كفار او اسلامهم ضعيف


لاتياسون من رحمه الله رحمه الله واسعه واسمه الرحمن الرحيم


<<<اكتبلكم وعيوني تدمع :)