شوفي ياختي انا داخله عرض بس احب اوضح نقطه مهمه مو كل اهل الجنوب يتكلمون بالشين بالنسبه لمنطقتي فيه ناس تتكلم نفس كلامكم بالضبط وهذولي مناطقهم تكون رايحه جهة نجد اكثر وناس تتكلم بالشين وهذولي مناطقهم جهة الجنوب حتى احنا مو كل كلماتهم نفهمها وناس عادي بالكاف وبالعكس لهجة اهل نجد تنفهم والي ماتفهمها تشيل التاء والسين وتبدلها بالكاف وانتهينا صح بيكون تعب عليها بس بتتعود بالنهايه وانا انولدت وعشت اغلب عمري مع اهل نجد واغلب صديقاتي منهم يازينهم ويازين كلامهم ..
تقبلي مرررررررررررررررروررررررري

مير:أختلف المترجمون في تفسير هذه الكلمه وأتفقو ان هذا
>المصطلح مال امه داعي ولا له موقع من الاعراب يوضع
>لتزيين الجمله
>مثال:الله مير يسلمتس)(الله مير ياخذك)....خربته
>
>غديه :كوده(وفسر الماء بعد الجهد بالماءي)
>
>يوووووه:وش تناظرون أنادي أمي
>
>ومصع:دعوه مأثوره عند القصمان وتاتي بعدة
>أوزان(مصع_يمصع_ممصوعا)
>
>مثال:جرن مير يمصعن
>
>ياهملالي:منتشره عند النحوتين والنظولين (مثلي )
>
>مثال:مزنه:مادريتي نوره توظفت
>حصه:ياهملالي عنده واسطه... منقهرررررررره
>
>من تلالتنا :من جمبنا
>
>وخزياه:مسطلح ينتشر دائما عند العجز يقالهم مستحيات وهم
>وجيه بن فهره(وجه بن فهره هو الوجه المغسول بمرق )
>
>أويق:هذه الكلمه تنتشر عند البلوغين (الملاقيف) معناها
>اناظر
>
>مثال:حصه :خير وش عنتس رازتن خشتس من الشباك
>مزنه:لا بس أويق على الي يفحطون
>ملاحظه: مزنه وحصه أبطال المشاهد التصويريه عندي
>
>أعبطه:أعجنه وسويبه فطاير
>
>قوه:كلمه من اصل انقليزي(والله محنب سهلين )معناها
>تخاويني
>
>مثال:حصه:قوه معي للسوق
>مزنه:مشينا...كلش ولا السوق تخاويه وهي مغمظه
>
>حول: وراكم طيرتو عيونكم بي مانب بالنجده والله بس حول
>يعني انزل
>
>شنق:جهه
>
>هماه:مب كذا_ وتجي بمعنى(مو)
>
>نيم:نايم
>
>تهقى:تعني تظنين
>
>مثال:حصه:تهقين تجي
>مزنه:ماظن من يشوف خشتس بيرجعلوه ثانيه
>حصه:وجع
>مزنه:يوجع حنكتس....خربوه بالاخير وقامو يتهاوشون
>
>بوه:اهم مصطلح عند القصمان يحطو بأخر الكلمه(وشبوه
>_جيتوه_مادريتبوه_وينهوبوه)تقول هالجمله وانت ماط بوزك
>
>
>تهوجس:مسرحه يقالي افكر
>
>وعشان أتأكد انكم استوعبتو الدرس باعطيكم تمرين
>
>ترجم الجمله الاتيه(بوه مير نيم )
>
وكل هذا مو تطنز بالقصمان ولا تحسبونه سب بالعكس :39: مجرد فك شفرااات لكم
وفي صديقات لمامي ولي ينحطون على الجرح يبرا يعني لي صديقات جنوبيات ونعم الزين والوفاء ولي صديقات حجازيات
ربي لايحرمني منهم فعندي من كل ديرة صديقة :39:

أوما اتكلم فصحي!!!!!
أتخيلني: سالي اجلبي الي الماء!! فهد هيا استيقظ من النوم وجعن بلى !!

اما بالنسبه للكاف ،،انا من ربع الكاف وكنت زمااااان يومني صغيره من ربع السين،،، وصراحه صرااااحه التس تجيب لي الحر،،،وتخرب شكل الوحده لان اللهجه مهمه جدا في الطله ،، وهذا شي ماله اي دخل بالثقه بالنفس ،،هذا تحسين وتطوير مثل ماتطورين لبسك وشعرك واكلك وبيتك ،،

وترا كل الشعوب تتطور وتتطور لهجاتهم مثل ماتتطور في كل انماط الحياه ،،ولهجه اجدادنا مو هي الاصل عشان نتمسك فيها ،،

ولهجه اهل الرياض او اللي متربين بالرياض من احلى اللهجات اذا ترافقت مع الكاف ومره مره مره تعجبني ويفز قلبي لاسمعتها في دوله اجنبيه بس عاد في فئات منهم لهجتهم ترفع الضغط تحسونهم يبون يتطورون مو عارفين شلون وكثيره هالعينه ،،

لهجه الحجاز حلوه بس المطوره اما القديمه لا مو حلوه ،،الجنوب والقصمان لو اموت مافهمتها وبصراحه ماتعجبني ابدا خاصه القصيميه ،،

وترا على فكره كل الدول ماكانت لهجاتهم كذا ،،شوفو الاماراتيه كيف صارت لهجتهم حلوه والكويتيه بعد صارت حلوه مو مثل قبل فيها قساوه ،،ليييييه!!

لانهم خففوا من حده لهجتهم و طلعوا شوي من المحليه وقربوا اكثر من لهجه اهل الرياض فصارت لهجتهم خفيفه وكيوت ،،
وعلى قوله وحده،، الكويتيات اذا حبوا يتدلعون تكلموا نجدي،،
معليش طلعت عن الموضوع بس شي يجر شي وموضوعك حلو يخلينا نتأمل ونفكر ،،

وصلتني رسالة من شبكة متخصصة وكانت عن لهجة جديدة من لهجات اللغة العربية ولدت وترعرعت في الرياض في السنوات الأولى من القرن الخامس عشر الهجري. فما هذه اللهجة وما مواصفاتها؟
أولا، خلوني من باب الأمانة أنسب الكلام هذا إلى صاحبه، وهو السيد جونز، عضو هيئة تدريس في مؤسسة تعليمية في الرياض ومقيم بها من سنوات طويلة. وهو متخصص في علم اللغة الاجتماعي وقد تبادلت الحوار معه بعد أن طرح موضوعه واستفدت من مناقشته كثيرا. وما فيه أحسن من واحد براني علشان يقدر يطلع الملاحظات اللي طلعها الرجال هذا.
اللهجة الجديدة خلونا نسميها لهجة أهل الرياض. الرياض كان في السابق محصورا في منطقة معكال وما حواليها، وقد كانت لهجتهم متميزة وواضحة وقد تستطيع أن تتبينها لدى كبار السن المقيمين في جنوب الرياض (من أصل وليس ممن وردوا إليهأ). وعلى كل حال، فلهجة أهل الدرعية (الأصليين أيضا) هي تقريبا نفس لهجة الرياض قديما.
لهجة الرياض ولدت لعدة أسباب:
- أن الرياض عاصمة المملكة مما أدى إلى استقطاب السعوديين من شتى المناطق واختلاط أبنائهم في المدارس واختلاط مختلف المواطنين في جهات العمل المختلفة مما أدى إلى أن يتنازل كل واحد عن جزء من لهجته الأصلية ليسهل للآخرين فهمه.
- أن لهجة الرياض الأصلية موغلة في الإقليمية ولن يتمكن القادمون من المناطق الأخرى من فهم مراد المتحدث لو استخدمها فكان من الطبيعي حدوث هذا التغير وخاصة لدى أبناء الجيل الجديد.
- كثرة المقيمين العرب في الرياض ممن يصعب عليهم أصلا فهم لهجة أهل الرياض الأصلية.

وبناء عليه، فإن اللهجة الرياضية فقدت شيئا من ملامحها وظهرت عليها ملامح جديدة لايمكن لغير اللغويين تشخيصها بشكل دقيق يحدد معالمها ويظهر قوانينها. ولكن لعلي أذكر بعض الأمثلة البسيطة:
- بدلا من نطق حرف الكاف بطريقة (تس)، أصبح النطق الجديد لها مطابقا للنطق الفصيح، لكن السبب ليس تفصيح اللهجة فقط (بسبب عدم فهم العرب الآخرين لما نقول) بل أيضا تأثر لهجة أهل الرياض بلهجات القادمين من المناطق الأخرى (من خارج نجد بالذات) حيث أن جميع المناطق الأخرى تنطقها كافا فصيحة ماعدا الرياض وجنوبه إلى وادي الدواسر وشماله إلى تقريبا حائل وشرقه يمكن إلى ماوراء القويعية والدوادمي. يعني نجد تقريبا فيما عدا بعض الجيوب.
- بدلا من استخدام أسماء الإشارة المحلية القديمة مثل (فيذا، فيذيا) ظهرت عبارات أخرى أكثر اتساعا مثل (هنا) مما أدى لتسهيل التواصل بين الناس.
- مخاطبة المرأة أصبحت تقريبا مشابهة لمخاطبة الرجل.
وأمثلة أخرى كثيرة. إنما المهم أن التقاط سكان المناطق الراقية في الرياض لمظاهر هذه اللهجة الجديدة أثر كثيرا على تأثر باقي مناطق الرياض بهذه اللهجة. ويظن البعض أن استخدام اللهجة الجديدة يعد من مظاهر التنكر لأصل الإنسان وماشابه ذلك، لكن هذا رأي، غير أن آخرين يعتقدون أن الفهم هو الهدف من الكلام ولابد من الوضوح في الكلام بأي طريقة تجمع أطراف الحوار على مائدة من التواصل اللغوي اليسير.

وشخصيا، أجد تحليل السيد جونز منطقيا، ووجدت كذلك أنني من هؤلاء المتأثرين بسبب التعليم بالمقام الأول. فمنذ بلغت التاسعة عشرة من عمري وأنا في الجامعة ومنها إلى الخارج وحتى هذه الساعة وأنا أختلط بعرب وسعوديين من مناطق أخرى حتى أصبحت لهجتي الطبيعية مليئة بالفصحى المبسطة لكثرة احتكاكي بالآخرين من خارج منطقتي.
في اعتقادي أن لهجة الرياض ستصبح قريبا لهجة شاملة للمناطق كلها لأن الإعلام والتمثيليات لها دورها المؤثر وكذلك التعليم الذي يمثل بوتقة الانصهار للهجات، وإن غدا لناظره قريبُ.
منقول

اانا احب لهجتنا اهل المدينة لانه جدة نطقهم غير ومكة كمان نطقهم غير المدينة نطقنا للكلام انعم بكتير ونفس الوقت مانمط الحروف زي جدة ولا نضخمها وكلامنا داخل فيه لهجات مختلفة من ضمنها النجدي والمصري والسوري وكمان التركي والعجميونفهم لبعض يعني الحمدلله لهجتنا جدا حلوة ومفهومة ونقدر نتفاهم حتى مع الاجانب