بنات ?ندااین اعمل واین ادرس وماهو اخسن عمل للمراه الملتزمه

Granaz , how are you ? well I recomend that if you live in mississauga you go the arabic comunity center , they might help you there , and if you are able to study and do the exams go for it if not it is better to study , the best engeneering uni is waterloo uni , but you can join any uni you want , life is very expensive in big city and more affordable in small cities . you can put your kids in ISNA islamic school or any other islamic school , or do as i do i send my son to a privet school every day and every saturday to AL -Huda Islamic School

granaz

ربي يوفقك يارب
اول شي حبيبتي شي طيب انه ناوية في بالك شغلة تكميل الدراسه في كندا
بصراحه اغلب اللي يحكو معي عن البحث عن عمل يكونوا رافضين فكرة الدراسه من راسهم
وعلى طول بيقولوا احنا درسنا وخلصنا وصرنا في عمر صعب نعيد المشوار واولهم مثلا والدي مهندس كهربا ويقول عيب على واحد مثلي خبرة عمل فوق الثلاثين سنه وعمري فوق الخمسين يدرس !!
مع انه والله احنا العرب عندنا من الذكاء والشطارة اكثر ماعند الاجانب ميت الف مرة وكل اللي نحتاجه شوية طموح وعزيمة والدراسه اربع سنين وتمر الاربعه سنين متل البرق سبحان الله ماينحس الواحد عمره كله يمر وهو يتفرج ..
لذلك وصية مني يا اختي مهما صار ومهما شفتي الوضع صعب ابدا ابدا ابدا لاتتنازلي عن مبدأ الدراسه وتكميل او تعديل الشهاده .. لأن في هالبلد سلاحك هو شهادتك من غيرها للأسف الانسان يدبرحاله تدبير بالمعيشه ..


بالنسبة لأي جامعه فبصراحه لاتدققوا كتير على الجامعات لانه كل مانشهرت الجامعه اكتر كل ماصعب القبول فيها اكتر كل ماصارت الدراسه فيها اصعب ..
قدموا على اكثر من جامعه في اكثر من ولايه واللي يجيكم القبول فيها اعتمدوا باذن الله
مثل ماقالت لك الاخت ريما جامعة واترلوا من افضل جامعات الهندسه/الرياضيات/البرمجه في كندا كلها .
اذا جاكم قبول فيها لاتفوتوها ..
اما عن فرعك والله مابعرف بس بصراحه عمل للمرأة والمتلزمة بحسه كتير صعب الا في حالة تخصصتي في الفيزيا هداك الوقت شغلك راح يكون جددددا مطلوب وفعلا في مدارس اسلاميه متل الاسنا او حتى المدارس الاجنبي لو ماعندك مانع تدرسي فيها او لو كملتي دراسات عليا ممكن تدرسي في الكليات والجامعات ليش لا؟؟عنا دكتورة مسملة ومحجبة محتشمه في الجامعه (جامعة تورنتو) تدرس علوم سياسية ودايم تحكي للمسلمين تجربتها وكيف كتير ناس استنكروا هالشي بعدين نالت احترام الكل بلا استثناء.. اهم شي اطمحي اكثثثثر بكثيير من اللي تتخيليه وربي راح يعطيك على قدك ..



تبقى المشكله الأولى والكبرى كيف بدكم تدبروا حالكم في اول فترة اربع سنين اول شي لازم تقولوا للدولة عن وضعكم المادي وتخلو الدولة تساعدكم بالمصروف وكمان خذوا قروض الطلاب ومع دراستك لازم واحد منكم يدرس بارت تايم يعني ويشتغل شغله بارت تايم مشان يساهم في المصروف والشغل بارت تايم مافي اكتر منه في ممكن تشتغلي في الجامعه نفسها لو طلبتي منهم هما يساعدوك.. وممكن كمان لو اطلعتي على كتب الثانوي عنا للفيزيا والكيمياء والرياضيات ودرستيها كويس فكي تعطي دروس خصوصي فيها
هالشغله مطلووووووووووبة كتيير وساعتها مو اقل من 15 دولار
فيكي تنزلي اعلان انه تعطوا دروس خصوصي وتجيبوا طلاب عالبيت وتدرسوهم
هالشغله كتير مربحه وسهله عليكم ولاتنسي انها (تاكس فري) يعني الدولة ماراح تطلب منكم تدفعوا ضريبه ولا حدا راح يسألكم من وين عما تجيبوا فلوسكم كله بالكاش وهي اريح من وجع رااااااااااااااس طويل عريض

انا نفسي بعرف صديقتي صينيه بتعطي دروس بالانجليزي (ادب انجليزي 12 ) يعني متخصصه بطلاب صف 12 قالت لي لما طلابي صار عرفوني كويس وتعودوا علي صرت اخذ عالساعه 30 دولار وجمعت قسط جامعتي لاربع سنين قبل ما ادخل الجامعه لأنها ظلت سنتين بعد الثانوي اشتغلت 9 ساعات باليوم يعني حوالي 6000 دولار بالشهر (هون اكتر راتب موظف عادي 4000 ويحمد ربه ) كانت تجيب وهذي كانت بس مركزه على مادة الانجليزي صف 12 مافتحت المجال اكتر ..

هذا كان مجرد اقتراح وانتو لما تجو ربي راح يفرجها وراح ييسر لكم الخيرة وين ماكانت ورزقكم مقسوم لكم وين مارحتوا اهم شي اسعوا في الارض وربي ماراح يترككم لوحدكم ابدا ..



المدارس الاسلاميه في كل مكان ولو جيتي على ميسساجا متل مكاقلت ريم انا بنصحك بمدرسه اسمها (مدارس الصفا والمروى ) اختي درست فيها من تاني ابتدائي لحتى صف سابع وماشاء الله لغتها الانجليزي مع اللهجه الكنديه ممتااااااااة لغتها العربيه والقواعد (نفس ) منهاج السعوديه وقوي جدا والان هي راح ترجع السعوديه وماراح ينزلوها باذن الله .. اضافه على مناهج العلوم والتاريخ والدين والجغرافيا والرياضايات جدااااااا قوية وزيدي عليها الفرنسي كمان برضو ممتااااز
من المدارس اللي جربناها شخصيا وشفنا مستواها التعليمي جدا قوي
بس نويتي تحطيهم فيها حطي في بالك تفرغي من يومك ساعتين (على الاقل) يوميا في حل الواجبات والمساعده
اليومية

اتمنالك التوفيق

اش?ر?م لرد?م السریع ?نت بحاجه ?ثیره الی هذه المعلومات تبقی لی بعض الاسئله ان ت?رمت? بالاجابه:
1- هل استطیع تقدیم اوراقی للجامعات قبل ان تتم اجرائات الهجره؟
2-بای مدینه تقترحون العیش والدراسه مع شرح حالتنا التی ذ?رتها؟
3-اجرائات الهجره هل تاخذ وقتا طویلا؟
4-هل میسساجا تعتبر جزئا من تورنتو؟

1- هل استطیع تقدیم اوراقی للجامعات قبل ان تتم اجرائات الهجره؟
نعم بامكانك ولكن المشكله انه عند تقديمك راح يتم سؤالك عن وضعك في كندا (طالبة انترناشونال- كنيدين سيتيزين - بارامانت ريزيزدنت- لاجئة- الخ )
وهالسؤال يجب اثباته باعطاء اما رقم الجواز او رقم كرت التأمين واللي انت حاليا لا تملكيه وهو عبارة عن اول كرت تسووه اول ماتيجو كندا كرت عادي جدا يضم (كــــــــــــــــــــــــــــل) صغيره وكبيره عنك مجرد ماتعطي الجامعه رقمه الجامعه تعرف كثير من المعومات الشخصيه ..
لذلك انصحك انك تراسلي الجامعه وتقولي لهم انه انا لم اصل الى كندا بعد لكن احب ان اعرف الاوراق المطلوبة وكل الامور واطلبي منهم اذا ممكن ترسلي اوراقك من الان وهما يقرروا اذا يوافقوا او لا ..
لان الاوراق تاخذ وقت على بال مايجيك القبول في الجامعه (اقل شي سته شهور)
اهم شي اهم شي الان انك ترتبي كللللل اوراقك وتجهزيها سواء محتاجه تترجمي شهادتك او تصدقيها او تسوي امتحان توفل او اي شي .. اخلصي منه الاااااااااان لأنه البروسس تبع التقديم نفسه راح ياخد منك كتير وقت اذا اوراقك مو جاهزة تماما

2-بای مدینه تقترحون العیش والدراسه مع شرح حالتنا التی ذ?رتها؟
حبيبتي انا دايم بنصح في ولاية البيرتا نظرا لرخص اسعارها الواااااااضح عن باقي ولايات كندا ..وفيها جامعة البيرتا جامعة مشهورة جدا ومعتررف فيها والسكن رخيص وبيقولوا فيها شوية مسلمين لابأس بعددهم وهي ولاية مافيها طبيعة قد ولايات تانيه لأنها ولاية جبلية بشكل عام .. لكن للامانه انا مازرتها ولا بعرف طبيعة المعيشه فيها لذلك بنصح في مدينتي للي حابب انه يعيش مع جاليه مسلمه وعربية ضخمه ..

3-اجرائات الهجره هل تاخذ وقتا طویلا؟
مافهمت عليك؟؟
اعتقد تاخذ حوالي تلات سنين من بعد التقديم او احيانا سنتين الله اعلم حسب ظروف الشخص وحسب نقاطه وحسب عقليتهم احيانا هما يحبوا يركزوا في تأخير شخص معين من غير سبب .. الله ييسرها لكم
احسن حل لتسريع الاوراق انكم تستعينوا بمحامي يمشي اموركم بسرعة البرق ومن غير تعب ووجع راس
والمحامين العرب في كندا مافي اكتر منهم وخاصة اللي مختصين في امور الهجرة والجوازات .


4-هل میسساجا تعتبر جزئا من تورنتو؟
ميسساجا هي تورنتو يعني يادوبك ربع ساعه بالسيارة جدا جدا قريبه منها لكن الفرق مابين المدينتين شاسع
ميسساجا ارخص وانظف والشعب فيها انظف وجدين اكثر والمدينة فيها خضار اكتر بكتير من تورنتو يعني المباني فيها اقل والمساحات الشاسعه اكتر
تورنتو اغلللللى ويكثر فيها الهومليس والشحاذين وتعتبر مدينة للسهر واللهو في الليل وحتى شعب ميسساجا لاحبو يسهروا يروحوا تورنتو ..وتورنتو الخضار فيها اقللللل والمدينه كلها مبااااني تشبه لحد بعيد نيو يورك والمدن الكبيرة اللي مافيكي تتنفسي فيها واذا لقيتي مكان تصفي فيه سيارتك ابقي احمدي ربك !!
انا شخصيا مرتاحه في ميسساجا يمكن غيري مايحب هذا النوع من المدن او يعتبرها (ممله) لكن الله اعلم انتِ وذوقك ورأيك ووين راح تكون دراستك ...