بنات نزل الجنين؟

ماعرف

الله يرزقك من واسع كرمه

وعليكم السلام ورحمة الله وبركاته .

اولا الله يعوضك خير ويفرجها عليك وييسر لك امورك ويكتب لك كل مافيه الصالح لك ولحياتك في الدنيا والاخرة .

انتي الان في الاسبوع السابع من الحمل صحيح ؟؟ لسى الجنين ماتخلق او نفخت فيه الروح .. فمايعتبر الا اجهاض وتصرفك الان مثل تصرف الاستحاضه .

تصلي بشرط تغتسلي لكل صلاة يعني تعيدي الوضوء , وتصومي وتسوي كل شي طبيعي .حتى لو شفتي الدم غزارته وسواده مثل الدورة هذا كله مايحسب .

انا سقطت بالاسبوع السابع لكن راجعت مع الطبيبه وكان لسى موقف نبضه بذاك الاسبوع حجمه حجم الاسبوع السابع بالتمام , جاني مغص قوي جدا وطلع معي دم بني محمر لثلاث ايام ثم طلع دم كثير شوي مع قطع وقطعه بيضاء كبيرة ثم كيس صغير بحجم البيضه .

يمكن اللي حصل لك ان الجنين توقف نموه من اسبوع او حتى اسبوعين وجسمك لسى يتخلص منه , يعني توه صغير وماراح يتعبك كثير ان شاء الله .

او ان اللي حصل معك يحصل لبعض الحوامل يطلع معها شوي نزيف وقطع دم وما اعرف ايش السبب , لكن حملها سليم ويتم والحمدلله .


لازم تراجعي مع الطبيبة وتقولي لها على كل شي حتى تسوي لك سونار وبتعلمك اذا حملك سليم او انه فعلا اسقاط ونظفتي او لسى باقي قطع .. انتبهي تهملي نفسك لايبقى قطع زياده وتتلوث معك .


حاليا اشربي اشياء دافيه واهتمي بتغذيتك , وراجعي الطبيبه باسرع وقت .

لو اكدت تسقيطك سوي مشروب القرفه وقشر القهوة والكمون والزنجبيل حطيها كلها بترمس وخليها تنقع 10 دقايق ممتازة للدوره والنفاس والتسقيط .


الله يسهل عليك وطمنينا عنك .

انا اجهضت قبل بالاسبوع السابع بالبداية نزل بني زي بداية الدورة وبعد كدا صار مغص ببطني والم بظهري زي طلق الولادة بس اخف طبعا انا شربت قرفة
وبعد كدا رحت المستشفى ولما دخلت الحمام حسيت شي خرج قطعة وحدة بس ماشفتها مع الدم ولما عملت سونار قالتلي الجنين نزل فانتي المفروض تروحي تسوي سونار وتتاكدي اذا في بقايا او لا واالله يعوضك خير