سلام عليكم يا بنات ..
والله انكم والمنتدى وحشتوني حيييييييييييل ..
صار لي فترة ما دخلت المنتدى لانشغالي ولظروف وفاة الوالد الله يرحمه ويرحم جميع المؤمنين يا رب ..
حبيباتي انا جايه اليوم من بعد غيبة وابي مشورتكم ونصيحتكم لي لاني بصراحة ضايق صدري وابي افضفض ما عندي غير الله اشكي له همي ثم انتم وبغيت رأيكم ومشورتكم .. ما راح اطول عليكم راح ادخل معاكم في الموضوع على طول..
حبيباتي مثل ما قلت لكم ان الوالد من شهر تقريبا توفى الله يرحمه ويسكنه فسيح جناته يا رب.. ومثل ما تعرفون خلال هالفترة من الطبيعي ان البنات يكونون بجنب الام خصوصا انها بفترة العدة .. وانا من توفى الوالد صرت اروح لامي تقريبا كل يوم اقعد معاها ساعة والا ساعتين وارجع بيتي قبل شهر رجب كنت اروح للوالده في الصبح ومرات العصر يعني قبل لا يرجع زوجي من الشغل وبعدين لما حل شهر رجب صرت اروح لها من بعد صلاة المغرب لي صلاة العشا تقريبا وارجع البيت مع عيالي لان الوالده الله يحفظها تصوم شهر رجب وبحكم انها صايمه ما اقدر اروح ازعجها في الصبح ولا العصر خصوصا ان عيالي معي وتعرفوا العيال ودوشتهم وامي مرات تتضايق منهم لانهم ما شاء عليهم حركيين حيييييييل..
يعني باختصار انا اروح للوالده تقريبا كل يوم ومرات يوم اي ويوم لا.. والمشكله مش هنا المشكلة في زوجي انه صار يتضايق من روحاتي لامي ويقول لي انتي كل يوم تروحين وما ادري وشو شوفي تبين تروحين روحي العصر والا الصبح مدام انا في الشغل وهو دوامه ترى من الصبح لين العصر الساعة 5 تقريبا.. وانا مثل ما قلت لكم ما اقدر اروح للوالده الصبح اولا لاني اكون مشغوله بالبيت وثانيا لان الوالد تصوم واخاف اني ازعجها مع عيالي فأروح لها في الوقت اللي قلت لكم عليه.. وصار يقول لي اني لا بغيت اروح بعد اروح لها بس نص ساعة وارجع..
والوالده من النوع اللي يحط في خاطره ويشره يعني اذا يوم ولا يومين ما مريت عليها تتصل وتقول ايش فييكي عسى ما شر ليه ما تمرين البيت ؟؟
اهو انا كنت احس فيه انه شوي متضايق لاني اعرف طبع زوجي ما يحبني اطلع من البيت بالمرة خصوصا انه بيتوتي لاخر درجه ويبيني على الطول انا بعد في البيت لا اطلع ولا اروح مكان واللي خلاه يقول هالكلام بعد اني من كم يوم كنت رايحه ازور امي كالعاده ووحده من خواتي كانت موجوده وقالت انها بتروح لمرت اخوي والده من اسبوع ولا مرينا عليها وبعد وحده من اهلنا بعد والده ولامرينا عليها هي الثانية وبيتهم جنب بعض .. وكان الوقت بدري فقلت خليني اتصل اول بزوجي وتصلت فيه وقلت له اني بروح لمرت اخوي وكذا واستأذنته اني بتأخر شوي المهم قال اوكي .. وبس رجعت البيت سواها قصه وتم يتحلطم علي ويقول انتي كل يوم بره البيت وطلعات وروحات وجيات هذي مو حياه ومن هالكلام مع اني مستاذنه منه وقايله له بس هو كذا ما يبيني اروح ولا اجي مكان ..
شا سوي والله اني في حيره .. وخصوصا اني الوقت اللي اروح فيه مش وقت طويل يعني مع مسافة الطريق اجلس ساعة ونص والا ساعتين مرات ما اطول اكثر ونادرا اذا طولت اكثر من كذا..
وانا مختارة هالوقت بالذات عشان لما يرجع زوجي من شغله انا اكون موجوده وثانيا لانه في هالوقت يحب يسترخي يعني انسب وقت اني اروح وارجع على طول ابلش في الطبخ والعشا وكذا .. وما احس اني مقصره معاه بس زوجي كذا احسه بس يبي يشوفني قدام عينه على طول ولا اروح ولا اجي مكان ..
بنات والله يشهد الله اني لا اروح ولا اجي مكان عشانه بس معني اجتماعيه حيل واحب ازور الناس وكذا بس بحكم زوجي وتحلطمه وما يبيني اروح ولا اجي ولا شي صرت كلش مو اجتماعية ومقصرة مع كل هلي حتى الاعراس والله اني نادرا ما اروح حتى لو اروح اندم على اليوم اللي رحت فيه لانه يتم طول الوقت متنرفز ومعصب لاني رحت وطلعت يعني حتى لو رجعت من عرس الساعة خل نقول 11 ونص تقوم القيامه وعنده اني متأخره حيل ما يدري انه العروس الحين تدخل القاعة الساعة 11 والا 12 مرات ..
ابي مشورتكم يا بنات هل استمر اروح لامي ولا همني شي والا شا سوي .. انصحوني ..
واعذروني لان كلامي كله مخربط وافكاري مبعثرة ..
زوجة جوجو وام نونو @zog_gogo_oam_nono
عضوة نشيطة
يلزم عليك تسجيل الدخول أولًا لكتابة تعليق.
فديتني الحلوة انا
•
الله يكون بعونك ياقلبي
Dandosh
•
الله يرحم الوالد ويغفر له ويجمعكم فيه بجنات النعيم آمين ..
والله انا رأيي انه امك حالياً وضعها صعب و محتاجة وجودك انت واخواتك والكل معها . وزوجك لازم يفهم هالحكي بالذوق .. :)
والله انا رأيي انه امك حالياً وضعها صعب و محتاجة وجودك انت واخواتك والكل معها . وزوجك لازم يفهم هالحكي بالذوق .. :)
زوجك عكس زوجي دايما يبيني اروح عند الناس ..
المهم اولادك كم اعمارهم ؟
انا براي تروحي للوالده العصر وتساعديها في اعداد الفطور ،، وحاولي تهدين عيالك وتشغلين لهم افلام كرتون او بلي ستيشن ع اساس مايروحو ويجو ويزعجوا الوالدة الله يحفظها .. أو انك تقولي لهم اذا اليوم كنتوا هادئين بكافئكم وبعطيكم هالشغله وكذاا يعني ..
بس بعد حاولي تفهمي زوجك ان امك محتاجتكم حوالينها في هالوقت ..:)
المهم اولادك كم اعمارهم ؟
انا براي تروحي للوالده العصر وتساعديها في اعداد الفطور ،، وحاولي تهدين عيالك وتشغلين لهم افلام كرتون او بلي ستيشن ع اساس مايروحو ويجو ويزعجوا الوالدة الله يحفظها .. أو انك تقولي لهم اذا اليوم كنتوا هادئين بكافئكم وبعطيكم هالشغله وكذاا يعني ..
بس بعد حاولي تفهمي زوجك ان امك محتاجتكم حوالينها في هالوقت ..:)
الصفحة الأخيرة