السلام عليكم اخواتي الكريمات
هل يوجد نادي سعودي لنورث كارولينا؟
انا حتى الان محتاره بين رالي وشابل هيل
ما ادري وين الانسب والاحسن لي ولعيالي
من حيث المدارس والغلا وجمال المدينة والترفية
دلوني تكفون
هذا الموضوع مغلق.
الصفحة الأخيرة
أنا بتشابيل هيل و تعرفت على سعودية في دورهام و نطول ما نشوف بعض كل شهرين مرة تقريبا , أو أكثر !! يمكن حنا العائلتين الوحيدتين ! , فيه غيرنا عائلة بس ما يتواصلون و مشغولين كثير .
و رالي ماقد شفت فيها أحد , رحت لمسجدهم كم مرة ولا قد صادفت أحد
و سألت قالوا ما قد شفنا !
إذا انتي اجتماعية , أقصد تبغين ربعك بس , ترى ما حولك أحد !
أنا عايشة لحالي هنا و صديقاتي كلهم خواجات , ما عندي عرب أبدا ..
بس قلت لك أنا أرتاح , ما أحب أخالط العرب بالغربة .
رالي أغلب اللي أشوفهم بالمسجد من الهند وباكستان . و فيه عرب بس قليل أشوفهم , الغالب الهند , مافيه سعوديين ولا خليجيين قابلتهم هناك :(
هذي رالي :
أنا ساكنة بوسط غابة تقريبا , ما حولنا عماير ولا شيء !
هذا المبنى اللي فيه الشقة :
غابة !! حولنا بساتين و مزارع خيول و بقر ...
و طبعا فيه 2 سوبر ماركت قريبة أروح لها على رجولي
و جنبها يكون فيه محلات خرابيط .
و الأسواق الأبعد شوي نروح لها بنهاية الاسبوع
أما وسط الاسبوع زوجي ما يرجع من دوامه إلا الساعة 6 ونصف إلى سبع
عشان كذا ما تفرق معي !
و أولادي صغار يلعبون مع أصدقائهم في البلاي جراوند
أما المراهقين ما أدري صراحة وش النشاطات اللي يحبونها
مراهقينهم يحبون يروحون لـ Franklin Street , الشارع الرئيسي بالمدينة . فيه محلات ومطاعم ومقاهي وسينما
شوفي أنا أتكلم عن تشابل هيل لحالها , لكن في المدن اللي جنبها فيه أشياء أكثر أسواق و مقاهي و مطاعم وحدائق و بحيرات ........ ألخ, و أنتي عارفة المدن جنب بعض مثل الأحياء ببلادنا ,لكن لازم سيارة , الباصات ما تطلع برى .
هذا رابط لصفحة فيها صور كثيرة لـChapel Hill , شوفيها.
والله مدري وش أقول لك حنا دايما نروح نتسوق و نتمشى في دورهام , و عادي لأنها قريبة مرة
عشان كذا ما أقدر أقول لك أن تشابيل هيل ما فيها شيء !