بنات هذا طبيعي اللي احنا جالسين نسويه مع اطفالنا ؟؟؟

السلام عليكم اخباركم بنات

ابي أتناقش معكم في موضوعين مهمين بالنسبه لي وبصراحه مامريت في حياتي بتجربه صعبه مثل اللي امر فيها الان مع بنتي اللي باقي لها اسبوع وتكمل تسعه شهور اول شي النوم ؟؟؟

ابي أعرف وضعكم مع اطفالكم عشان اشوف انا صح ولا غلط ولا بأنجن وانهار من جد الموضوع مأزمني اللي هو نوم الطفل ؟؟

طبعا بعد مامرت أربعه شهور وتخلصنا من بكاء الطفل اللي لسى مولود فكرت انه راح تنتهي معاناتي طلعت السالفه مطوله اللي ابي اعرفه منكم اطفالكم في السنه الاولى يعني من ثمانيه شهور وفوق ينامون بالليل وينامون القيلولة ولا نومهم قليل وايش الطرق اللي تتبعونها عشان ينامون يعني مثلا انا بنتي جاتها فتره قبل شهر تنام بالليل وتصحى سته الصباح ترضع وبعدين ترجع ساعتين تنام وتقوم على تسعه ومرتاحه كنت والان للاسف صارت كل شوي تصحى بالليل وتتقلب كثير مع انه المفروض كل ماتكبر شهر تنام بالليل اكثر ولا تصحى الا مره وحده بس الان جننتني والله أقوم ابكي بالليل كل شوي تصحيني مرات تكون جايعه مرات لا وانا وراي مسؤليه وبيت ولا عندي شغاله بعدين حتى القيلولة تجنني ماتبي تنام بالغصب انومها لانها تهد حيلي ابي ارتاح من اصحى وانا الاحقها وارضعها وااكلها والبس والعبها نسيت نفسي وبيتي جاني اكتئاب من الوضع ؟؟

هل انتم في النوم تهيأون الجو تدخلونها الغرفه وتطفون الأنوار حتى بالقيلوله ولا عادي ينامون في اي مكان وهل اللي طفلها يتعبها ماينام لا القيلولة ولا بالليل كانت تهيأ له النوم ولا تجلس كذا انوار وتلفزيون شغال يعني عادي بدون جو خاص ؟؟؟ تعبت والله معها الله يرزقني الصبر حتى زوجي ماعاد ادري عنه ونادر نجلس مع بعض !!


الوضع الثاني اللي هو التلفزيون انا تعبانه نفسيا لانه اخليها تجلس عنده حتى اخلص شغلي وأحيانا تطول وهي عنده بس قدام ابوها في الصاله وكل شوي أكلمها وكل فتره اجي العبها وبعدين أرجعها للتلفزيون بس كل ماسمعت انه يسبب التوحد ضاق صدري الي تجاربكم مين اللي كانت تخلي اطفالها عند التي في والحمدالله ماتاثروا وتركيزهم تمام ولا العكس تأثروا من متابعته بشكل مستمر لاني انتظر هي متى تمشي ان شاء الله وأسجلها في حضانه تختلط مع الاطفال وتنسى التي في على الاقل مو طول اليوم بليز بنات ابي تجاربكم والله تعبانه ابي ارتاح ونفس الوقت ابي بنتي ماتتاثر وتكون طبيعيه وشكرا لكم لاتحرموني من تفاعلكم والافاده للجميع