بنات هذه قصتي من البارحة........

السلام عليكم ورحمة الله وبركاته...

يا بنات الله يخليكم شوروا علي باللي تشوفونه في مصلحتي....

البارحة ولما كانت الساعة 11 مساء عندنا نزل علي دم نظيــــــــف يعني دم فاتح الله يعزكم... لفترة بسيطة وبعدين وقف.. ولا كأنه شي صار.

المهم قلت ما بروح للمستشفى إلا إذا زاد أو إذا حسيت بالطلق... مع أني ما كنت أحس بأي ألم... وبعد ساعة ونص يعني على الساعة 12 ونص تقريباً رحنا المستشفى كنت خايفة تكون ولادة وأنا ما أعرف وهذه أول ولادة لي... ولما رحت سووا لي الفحوصات وشافت إذا النزيف من عند البيبي واللا لا وطلع الحمدلله خارجي يعني ما له شغل بالبيبي... وقالت يمكن لأنه عنق الرحم يتوسع نزل معك دم.. وفحصت عنق الرحم ولقته 3 ونص حسب ما سمعتها بس زوجي يقول لا أنا ما سمعتها تقول 3 ونص وأنا أتوقع أنه 3 ونص لأنه من أسبوع ونص كان 1 سم يعني ممكن أنه يكون وصل 3 ونص... المهم قالت لي تمي في المستشفى وبعد ساعتين بنرد نفحصج إذا كان في توسع يعني في ولادة وإذا ما في يعني بيخلوني أرجع البيت.. يس أنا قلت لها أني برجع البيت ما أبي أتم وقالت عادي تطلعين إذا كنتوا قريب من المستشفى.. بس إذا حسيتي بألام لازم ترجعين ضروري وإذا نزفتي ثاني مرة وطلعنا من المستشفى.. واليوم قمت الصبح وجلست تقريباً مدة عشر دقايق على السرير.. جالسة عادي مو نايمة بس حسيت أني تعبت وحسيت بألام من تحت ما قدرت أستحمل القعدة.. المهم قمت وقريت في العسل اللي عندي بعض الأيات والأدعية.. وأخذت مقدار ملعقتين شاي... وفورت لي حبة سوداء مع الماي وصبيتهم في كوب وخلطتهم بحليب عشان أستسيغ الطعم وأضفت لها ملعقة عسل.. وكل شي طبيعي بس لما شربت نص الكأس بدأت ألام شديدة في بطني من تحت.. ما أقدر أجلس وأنا ألحين أكتب لكم والألم يروح ويجي.. وما أقدر أتحرك على راحتي أحس بصعوبة في الحركة...
بنات أدري أني قلت لكم قصة حياتي وأنكم مليتوا بس شو أسوي مالي غيركم بعد الله وزوجي ما يعرف في هالمواضيع... أبى تجاربكم وخبراتكم..

الله يخليكم لا تبخلون علي... بسرعة بليـــــــــــــــــز..
زوجي توه عنده محاضرة.. وبعد ساعة بيرجع.. ردوا علي عشان أقرر أروح المستشفى واللا لا...

تحياتي :26: