بنات هل انا اتصرف بشكل طبيعي

السلام عليكم خواتي
اليوم مر على ..........................................وش اقول كان ودي اكتب زواج خالي بس الله ما اراد الا ان اكتب وفاة خالي
مر على وفاته 11يوم وانا عايشه في ذهول دايم سرحانه ماني طايقه حد يكلمني خصوصا بعد ماروحت البيت حتى اولادي ماني طايقه طلباتهم نفسي اجلس في غرفه لحالي محد يزعجني
امكن تقولون اني زودتها شوي بس والله لوتدرون طريقه تلقينا الخبر تعذروني تخيلوا لو انتوا في كامل زينتكم منتظرين الضيوف وفي لمحه بصر يتصل عليك احد اخوانك او زوجك وفي غضون تلقي الخبر واستيعابه الا الحريم داخلين عليك في اروابهم وجيههم تورمت من البكاء ومو عارفين ايش يقولون
بنات القريه كلها علمت لا وجوا ناس من القرى المجاوره دارين بالوفاة وحنا نايمين في العسل ما ندري عن شي الا بعد وصول المعزيات و لما شافونا والفرحه على وجيهنا انكسفوا وما عرفوا يحكوا حتى حلفناهم ليش جاين في اروابكم اكيد في شي
خبرونا بالحادث بس قالوا ماندري هو حي ولا توفى وما تاكدنا الا بعد امتلاء البيت بالمعزيات
كان ودي حد يتصل ويقول خالك حي علشان اصيح باعلى صوتي واقول خالي حي ويكتمل العرس لكن لا فائده حتى وحنى جالسين عنده بصري على الكفن مانزل وادعي ربي ان يتحرك كان ودي يحرك ولوا اصبع هزيته ابيه يتحرك ............لا فائده
صلوا عليه الفجر صليت ويلا ركض على السطوح (المقبره قريبه من البيت )اراقبهم وهم يحملوه على اكتافهم وانا ادعي ربي انه يقوم او يقع من اكتافهم المهم يعود الينا حيا وضعوعه في القبر :icon33: :icon33: :icon33:
ومعى هذا كله الاحساس المسيطر انه حي يرزق وبعد ايام راح يعود الينا ونكمل حفل الزفاف
بنات اخاف يكون تصرفي فيه اعتراض على مشيئه الله والله اني احاول ان استوعب معنى انه مات وماراح نشوفه ماقدرت
اسفه اطلت عليكم
تحياتي