بنات هل انا صح والا غلطط .. اسلوبي

صباح الخير بنات يعلم الله من كثر ما اتابعكم صرت احب استشيركم باي شي. بس قولولي انا صح والا هو معاه الحق .. كان زوجي عادي كتاب مفتوح مانخبي شي وفجاه صحابه سوو قروب وبيني وبينكم رسايلهم ماشش مع ان زوجي لا يكتب ولايرسل بس يقرا احيانا ويفتح المقاطع صرت اتكلم قلة ادب وليش يرسلون حريم وليش وليش راح قفل جواله والله لايوريكم حقدت وسويت مششكله وندمت استغفرالله يقولي ليش تفكرين كذا في انا العيال يرسلون اشياء وكلامهم مره جري ومايستحون وعشان كذا قفلته هذي خصوصيه وطنشته. وبنفس الوقت مقهوره احس ماعرف تقفل الجوال الا بعدهم الله يكفينا شرهم .. وصارت اشياء جديده !!! لاتتصلين كل شوي وانا مشغول؟؟. لاتحققين وين رحت وين جلست لاجيت البيت اقولك . اسلوب جديد عليه سنين متعود ع طبعي وطريقتي ايش اللي تغير صح انا احيان ازودها وازعجه بس كان مايتكلم ... هو طبيعة شغله ساعات طووووويله. يقولي انتي اسلوبك مستفزز. تملك. وهذا مايحبه الرجال استغفر الله اقوله انت زوجي وش تملك. سد نفسي ب اسلوبه ماني فاهمه ايششش الخطا وايششش الصح