إلا الحماقة أعيت من يداويها ..

والله يا اختي ما ندري وش الخيرة فيه .. يعني ساعات تقولين يمكن هو بعد متحملني لكن قاعد يجامل ويمشي الحياة معي
ولو الرجال عادي عندهم يتحملون المسؤوليه مثل قبل كان كثير اللي يتزوجون على حريمهم .. بس أغلبهم ما يبون وجع راس
هذا الواقع .. لكن قليل اللي يرضى مية المية على شريكه حتى لو قال انه راضي داخله العكس
لابد من النقص .. مافيه كمال ..
بس ننظر للمميزات ونحاول نركز عليها ..دام السلبيات غير مؤثرة بشكل كبير على حياتنا ..
الرجل ممكن يبحث عن اللي يناسبه .. لكن المرأة نصيبها يجي عندها ما تقدر تدوره ومافيه مجال انها تتعرف على فكره
أنا أشوف ان هذي مهمة ولي أمرها .. المفروض يقعد مع الرجال كذا جلسة وفي أماكن مختلفة وظروف مختلفة
ويراقب ردود أفعاله .. تعامله مع الناس .. كلامه وفكره .. المرأة صعب جدا تكتشف هالشيء ..
وأفيه البعض قدام الناس كامل رجال شهم مافيه منه ... لكن ما يكتشف الرجل على حقيقته غير زوجته ..
حتى الرجال اللي قدام الناس ما فيه منهم .. ماتدرين عن حقيقته .. فيه اللي يقدر يمثل قدام الناس ويخدعهم لكن عند زوجته
مكشوف ومفضوح .. وللأسف عندي هذولا أشد وطأة على الزوجة من الرجل اللي قدامها وقدام الناس بنفس الشخصية
لأنها مهما تأذت منه ماحد مصدقها غير انها محسودة عليه والناس تتشره على شغلات تكون بسببه ومستحيل يصدون انه مصدرها

أنا أعرف اكثر من وحدة أزواجهم ناس معروفين والله ان الحريم منهبلات عليهم ويتمنونهم وكثير من أقارب الرجال حاسدين الزوجات عليهم ويرونهن مو كفو لهم ..
لكن الحقيقة مع الزوجة النقيض .. بكل بساطة حقارة

حتى أنا زوجي تفكيره غير وشخصيته غير اللي أتمنى .. لكن الحياة معه .ماشية والحمد لله . المهم انه شخص مو سيء ..
تفكيره شخصيته له .. أنا ما أقدر أغير فيهم شيء .. لكن أحاول قدر الإمكان أركز على نقاط الإلتقاء ..
اوالحمد لله الأمر ما يخلى .. دام هو رجل سوي لابد من ميزات ..
المودة والرحمة من الحب .. أما حب الوله أعتبره إلغاء للعقل ..

الحمد لله على نعمته وقضاءه وقدره .. والحياة مو قايمة على رجال نحبه ..

طيب فكري يمكن هو شايف نفسه فوق مستواك
ويجامل
لكل انسان بالعالم نقاط ضعف وقوة
بس انتي مافقدتي نقاط قوته فمو حاسه بمميزاته..
تأكدي فيه بنااات ميتااات على على هالشخصية
ويعتبرون الثقل غامض ثقيل دم

فكري بطريقة ثانية
انتي مهما كان مليانة عيوب
والزوج مو غرفة والا جوال لازم يطابق مواصفاتك 100%
هو شخص له شخصية وطباع ويبقى إنسان ماايكمل..

وصدق رسول الله صلى الله عليه وسلم
ارض بما قسم الله لك تكن اغنى الناس

لا طبعا مو عاديه
فيك كبر وشايفه نفسك عليه على لاشيء
لاتقارني زوجك بغيره هذا اولا
وبعدين كيف مثقفه وو وانتي ماتعرفين تكتبين عادي وحتى وعلى ولكن

لاترفسين النعمه الي بين ايدينك
وشوفي ايجابياته وبنفس الوقت شوفي سلبياتك لان مو بعيده يكون حتى هو يجاملك عشان هالاطفال



والله يهديكم ويسخركم لبعض

مايمكن تحصلين متزوجين متوافقين تماما
إلا ماندررررررررررر !! لذلك وحتى ترتاحين نصيحه لاتدققين بسلبيااااااااااته
ولا تصير أكبر همك ولاحظي إيجاااابياته وفكري فيها ودائما تذكري إنه مافيه
أحد كاااااامل وبترتاحين كلنا لو بندقق بالسلبيات بنتعب حتى لو كانت السلبيات
أكثر من الإيجابيات لازم تعودين نفسك على تقبلها إذا أنتي حريصه على
إستمرار حياتك معه

الحمدلله حتى يرضى
الحمدلله عند الرضا
الحمدلله بعد الرضا