اهلين يابنات

المهم ان كل وحده حسب ظروفها في بعض من المخطوبين اذا كلموا بعض وقت
الخطبه يمكن يشك فيها بعدين ويمكن لا
يعني مو كلهم زي بعض

اما عن نفسي بتزوج بعد شهرين واخيررررررررررررررا بعد قصة حب استمرت
لسنين طوال:( اشتغلت اللغه العربيه

بكى وبكيت وزعل وزعلت لا لا والمشكله انه يقربلي يعني كيف لو ما يقربلي
وبعدين غير الانتظار الخطبه جلست سنتين

وبعد هذاااااااااااااااا كله اخيرا بابي حن علي وافق وكان مقتنع فيه بس يسوي
شووووووووووووووية نحاسه

وبعد التلفونات اللي استمرت سنين بيني وبينه بالعكس احس انا واياه متفاهمين كثير
ومتفقين على اشياء كثير انا مره اتنازل وهو طبعا مراااااااات
احنا الحين ملكين والى الان نكلم بعض بالدس يعني محد يدري وما تصدقون الى الحين
وانا اكلمه اخاف احد يكشفنا ههههههههه

وبالعكس السنين اللي كلمته فيها من احلى سنين حياتي
مو شرط اني اايد التلفون بس الظروف حكمت علينا لكن اللي اايده الحب وبس

بااااااااااااااااااي

السلام عليكم
انا يا اخواتي افضل التعارف في فترة الخطوبة بحيث ان الشاب يكلم البنت ويجي يشوفها في بيت اهلها لفترة بسيطة على الاقل مرة في الاسبوع لأن القصد من هذه الفترة ان كل طرف يتعرف على اخلاق وطباع وعادات الطرف الثاني ويتعود عليها
افرضي انك ما شفتيه ولا كلمتيه في فترة الخطوبة (بعد الملكه) وجا يوم الزواج ولقيتي قدامك شخص جديد عليك ما تعرفين عنه شي ومع العشرة اكتشفتي فيه صفات او عيوب لا تطاق وما قدرتي تستحملينها ولا تتأقلمين عليها او لقيتي ان ورا الشاب هذا بلاوي لا سمح الله وش راح يكون موقفك يومها بعد ما طاحت الفاس بالراس وصرتي زوجته وش راح تتصرفين او تسوين وكيف راح تبررين للناس اذا بغيتي تنفصلين عنه او كيف راح تستحملي العيشة وياه وبعدين هذا شي حلله لنا الشرع ليه ما نستخدمه ونستفيد منه انا اعرف بنات كثير اكتشفو في ازواجهم اشياء كثيرة وخطيرة فترة الخطوبة وانفصلوا عنهم وارتاحوا وبعدين جاهم النصيب اللي احسن منه وتزوجوا والحمدلله
الافضل ان احنا نكون واقعيين اكثر ونشوف الجانب المفيد من هذا التعارف مو الجانب السىء
هذا رايي واتمنى اني اكون ما زعلت احد

بنات موضوعكم مرررررررررة حلو:27: وانا رايي ان كل وحده ومجتمعها وطبيعته وطبيعة زوجها بعد :cook:
اذا كان الرجال عارفته وعارفه انه عيب عنده هالحركات وانه يحب المرة الثقيله لاتسوي هالاشياء.......


لكن اذا كان زوجها من شباب هالايام يبغى وحده تملى عينه ويكون من النوع اللي يحب يكلم ويطلع معها فانا رايي انها تمشي معاه على طول الخط :26:

ولكن رايي الشخصي اني أؤيد التلفونات والطلعات طبعا بعد الملكه لانها حلال اولا وبعدين احس انها تعلق الرجال بحرمته وتخليه يرتبط فيها اكثر وبعدين اذا صادف وعرفت المراه او الرجل عيوب في الشريك يكون الانفصال احسن قبل مايكون فيه اولاد ..........

وترى يابنات اذا قال الرجال انا ما احب هالحركات احس انه يغالط نفسه لانه لو حصل له الطلعات والحركات كان نسى المبادئ وانبسط مررررررة لان رجالنا الشرقيين عندهم سالفة المبادئ هذي ولا اذا جات المرة نسوا الدنيا ومافيها.خخخخخخخخخخ......

مدري بنات بس احس ان ممكن يكون بيني وبينه مكالمات بس بشرط بعد الملكه لانه الرجال اساسا يبي يعرف منهي شريكة حياته اللي بياخذها وانا بصراحة ابي اعرف من هو هالشخص اللي باخذه بعد احنا يالبنات لازم مانكون انانيات مثلا اذا هو يبي يكلمني اقول لا استحاله اكيد بكلمه بس انا في نقطه مااشجعها وهي اني اقابل وجهه24ساعة او ان في بنات اعرفهم انهم يروحون بيته طبعا وهم في الملكه بس مدري احس انها مو سنعه السالفه اني اروح عنده طيب والنهايه ممكن هو يجيني بس مو كل ساعة جاي عندي بحدود لازم نخلي في شوق ولهفة ليوم الزواج لانه الواحد والله مو ضامن نفسه فييوم الملكه اوفي وقت شوفته لي ان لاسمح الله وتعدى الحد اللي بينا طبعا انتو فاهمين ولاقدر الله هالرجا ل صار له شي اواي حاجه تصير والله صدقوني الواحد مايدري ولاضامن شيصير له بكره والله موتمام احس لازم تصير البنت راكزه ثقيله انا مو متشائمه بس كل شي بالسناعه والذرابه حلو والثقل والله زين صدقوني بنات الرجال والله انه يموت بالوحده الثقيله صحيح ان الملكه احلى شي بس بثقل .....هذا رايي وسامحوني بنااات:26: معليش اسفه عالتعبير لاني موتمااام في التعبير

والله أنا أشوف انه من الضروري التعارف خلال فترة الخطوبة لكن ضمن الحدود الشرعية
لأنه من الضروري انها تتعرف على زوج المستقبل والتعرف على طباعه واسلوبه حتى لا
تتفاجأ بعد الزواج
وسلامتج