ترا ياجماعه انا اقصد التعارف قبل الملكة لاحد يفهمني غلط بعد الملكة مافية فايدة لان الطيور طارت بارزاقها خلاص مافية فايدة ان الوحدة تعرف العيوب الافضل انها تعرف المحاسن وبسلان بعد الملكة طلاق يعني البنت هي الخسرانة ساعتها انا من الناس اللي تؤيد التعارف وقت الخطبة قبل الملكةاصلا انا ابوياللة يحفطةقولو امين هو اللي يشجع علي ها الشي لانة يدور مصلحتنا وكل واحد ينام على الجنب اللي يريحة وكل واحدة حسب مجتمعها وين عاشت مثلا في المدينة او القرية يعني العملية تعتمد علي اشياء كثيرة والتوفيق بيد الله :24: :26:

انا من وجهة نظري الشخصية لا أؤيد


أنا ما بعد اتزوج ولا مخطوبة ولاشي بس حبيت ابدي رأيي في موضوعكم الشيق


اولا احنا في عايلتنا طبع لا زم بعد الخطبة قبل لانرد لاهل المعرس خبر

نوكل احد من العايلة يصير المحقق كونان :) يجيب كل صغيرة وكبيرة عن المعرس من اماكن عدة

والمعرس نفس الشي اكيد بيكونون خواته عارفين عن اللي خاطبينه كل شي


انا من وجهة نظري انه البنت ماتكلم ولا تطلع مع خطيبية تدرون ليش عشان يتشوق يشوف

هالبنت اللي ماعمره شافها وبقولكم سالفة فيه واحد ايام ملكته دايم يكلم اللي مملك عليها

ويطلعون مع بعض المهم يوم جا اليوم اللي بعد العرس يقول لأصدقه عادي كان لقاء بيننا الا

اللهم انه كانت لابسه فستان ابيض بس يقول ماحسيت باي شعور لانه كان دايم يكلمها ويشوفها



اتمنى اني ماطولت عليكم وقصيت لكم قصة حياتي بس هذي وجهة نظري

وتحياتي لكم

هو صح كلامك ياnightlight وانا فاهمه قصدك انه قبل الملكه بس في ناس مايشجعون انه تكون المكالمات الا بعد الملكه بس انا رايي من رايك انه اذا كان في امكانيه اني اتكلم معاه قبل الملكة وانا اكون في فترة خطوبه معاه يكون افضل بس بحدود وبحذر وفي هذا الوقت ياندخل ونستمر بالطيب او نفترق بالمعروف وكان الله غفورا رحيم....... والناس والمجتمعات تختلف من مكان الى مكان والعادات والتقاليد تختلف من مجتمع الى مجتمع..........
على العموم كل شي مكتوب ومقدر عند الله سبحانه وتعالى.........واقول لكل بنت واخت تعيش فترة خطوبة اوملكه موفقه والله يهديلك الولد الصالح ويسخره لك

تحياتي:24:

اختي موج صراحة افكارك شوية قديمة ولاتزعلين انااحس خلاص مافية هالكلام وهذا عن تجربت يواغلب صديقاتي واخواني الشباب بالعكس يويدون التعارف وقت الخطبة وبالنسبة للرجل اللي راح وقال لاصحابة عن يوم زواجة ولقاء زوجتة لاصحابه والا مافيه واحد علية القيمة يقول هالكلام الاصحاب لهم حد ماهو كل شى ينقال لهمبصراحه هذا الزوج عدمه ابرك ولاتزعلين مني وترا الشاب اوالخطيب اللي يشك بخطيبطته اذا كلمها هذا مافية خير لانه في الغالب يكون جرب اشيا ماهي طيبة اوماحبها واذا حبها راح يقبل منها كل شي وحبيبك يبلع لك الزلط ولاتزعلين ومشكورة على التجاوب والمشاركة:24: :26:

نصيحة لكل البنات والعرايس لاتفوت عليكم ايام الخطبة كذا لامكالمات ولاهدايا ولادلع حسافة ترا العمر مره واحدة والايام اللي تروح ماترجع وبكيفكم وااله مانصحتكم الا لانى احبكم واعتبركم خواتي وبلتوفيق للكل:24: :26: