بنات هل زوجي ظلمني او معاه حق؟

بنات زوجي قهرررني... باقولكم القصه وتقولولي من الغلطان... طبعا موضوعي موجه للسيدات الفاضلات المحترمات..
اختي جتني هي وبناتها.. قبل اسبوعين بوقت الحضر تبي تجيب لي اغراض وتجلس تسولف معي ساعه وتروح.. لما وصلت بيتي مسكتها دوريه.. واسمحولهم يمشون بدون مخالفه.. قالو بس هالمره.. المهم جا زوجي وشافها عندي وهاوشني وزعل.. هو من اول كذا مايحب اهلي يجون عندي بس الحين يتحجج بكورونا.. ترا المدينه اللي حنا فيها للان مافيها اصابات كورونا ولله الحمد.. المهم بلغ الشرطه بنفس اللحظه ع الدوريه اللي مشو اختي بدون مخالفه وحطوهم بالسجن عسكريين..
بنت اختي الكبيره قامت تهدد.. تقول والله راح ابلغ عنه اذا سوا فطور
انا قلت بمزح محد يمسكه ومحد يقدر عليه كلهم اصحابه الشرطه و و و.. من اسلوبها تقولين تمزح.. ولانها بنت مابيدها حيله قلت تمزح.


.
بعد اسبوع زوجي عزم امه واخوانه وعمل لهم فطور.. والكل صور السفره بمافيهم انا.. وارسلت الصوره لاخواتي وبنت اختي معاهم.. بعد نص ساعه فيه احد بلغ ع زوجي و
جاني زوجي معصب وهاوشني قدام امه.. قال بسألك انتي معلمه احد ان عندنا فطور.. قلت ايه اختي.. قال ليه قلت كذا عادي استشيرها وش اطبخ وش اعمل...

قال اختك بلغت عنا.. تبين تغرميني انا واخواني يا... والله ماتقدرين لا انتي ولا اهلك... قلت لامستحيل واتصل اختي واسألها بالله وزوجي يسمع وقالت لاوالله مابلغت مالنا بالفضايح وعيب نشكي ع نسيبنا.. وقالت انا منومه بالمستشفئ ع بنتها مريضة قلب..
وبعد التقصي من الشرطه طلعت اللي مبلغه مره مانعرفها.. تقول اني تحديتها بالواتس وارسلت الصور وهي اخذت الصور وبلغت.. طبعا انا ماعندي واتس ممنوعه عنه من زمان... قال زوجي زوجتي ماعندها واتس وراخ ارفع قضية رد اعتبار لان المره بلغت وهي كذابه.. وبلغ وتوالت عليه الاتصالات من زوج واخوان المره اللي بلغت يترجونه ويتعذرون.. قال ماراح اتنازل الا اذا اعترفت من اللي ارسلها تبلغ.... واعترفت بس زوجي ماعلمني واسأله يقول مالك دخل.. وساكت وزعلان.. انا شكيت من سكوته انهم مو اخواتي لان لوهما اخواتي والله مايسكت غير يكبرها..
عاد انا اتسأل من بلغ.عنه؟ ؟ . مقهوررره مره زوجي له اسبوع زعلان... ووصلت للطلاق وانا طفشت قلت طلق حتا انا الكل يقول تطلقي وارتاحي منه.. .
اخواتي يحلفن انهن مابلغن ويدعن عليه انه ظلمهن ويقولن هذا ظالم...
قلت لزوجي اليوم خلنا نروح نكمل اغراض العيد قبل يقفل السوق.... قال لا مافي عيد.. اخواني ماراح يجوون هنا خايفين منك تبلغين عليهم.. ولاحنا نجيهم... قهرني وظلمني.. ع طول ماشك الافيني.. طيب انا ماعندي واتس.. واخوانه وعيالهم وامه كلهم عندهم واتس وكلهم ارسلو الصور.. ليش ماشك فيهم..فيه اولاد صغار مراهقين صورو وشفتهم.. ومع هذا ينكر يقول لا انتي اللي بلغتي ومصر... ماعمري دعيت عليه لكن الحين يوم ظلمني قمت اصلي واقول حسبي الله عليه.. حسبي الله عليه...
انا شكيت ان الشرطي اللي شكا عليه زوجي قبل اسبوعين هو اللي بلغ..
قال تعالئ
وان جائكم فاسق بنبأ فتبينوا..