بنات هل عدم اخذ التطعيمات توثر على الطفل

وجع ظهرها يمكن متعوره البنت راقبيها وان زادت اكيد لازم تاخذيها تتطمني عليها
اما التطعيمات فاكيد شي مهم احسبك بتقولي من الجماعه اللي ما تؤمن فيها
يااختي وش هالاهمال من ابوها البنت لازم تتطعم لا تجيها امراض التطعيمات اصلا علشان تحميها من الامراض الخطيره
يعني الحين فات عليها تطعيم حق ٦ شهور ومراجعه ٩ شهور وتطعيم سنه ونص وتطعيم سنتين حرام عليكم والله.
وياقواه قلبك بصراحه. خذي البنت واللي يرحم والديك تراها امانه برقبتكم لاي مستوصف طبي قريب وش فيها خذيها لحالك او مع حد من اهلك او حتى خاص وخبري الطبيب وهو بيتصرف
والله يهديه لكم ويحنن قلبه يارب لا تفكري تجيبي غيرها لحد ما تشوفي لك صرفه تقنعينه بالامانه اللي بيتحاسب عليها وهي انتي واطفالك.

مهمه التطعيمات عادي حتا لو متاخره روحي حرام لا تهمليها
زوجي كان يرفض ويحكي ماهو فاضي ابدا وانه مش ضروري ومن هذا الكلام
لكن والله ماسمحتلو وازن ع راسه يوميا. واعطيتهم التطعيمات. حرام والله.

اكيد مهمة وبنتك امانة عندك اذا ابوها مهمل انتي مالك عذر الحين بكل حي مركز صحي حكومي بس موقت اللوم ولا انتي اول حالة اشوفها كذا
كثير مثل وضعك يحون ماطعموا عيالهم واذا صار لهم شي ذنبهم بأرقابكم

السلام عليكم ورحمة الله
طبعا التطعيم مهم للطفل
و هو من حقوقه المهمة والتي لا نقاش فيها
و تحميه بعد الله من الامراض القاتلة التي كانت بزمان
مثل الحصبة و البوحمرون و الكساح و الكزاز
و بعض الأمراض المستعصية
أرجوك تأخرتِ على بعض التطعيمات و ليس لزوجك عذر لكن بإمكانك تداركها
روحي على اقرب مركز تطعيم و ناوليه الجرعات الملائمة
الله يحميه لك يارب

بنات انتم دخلتو وحطيتو الوم علي تقولو لي روحي ل اقرب مركز صحي
طيب كيف اروح وهو ماضافها ماسووا لها اضافه بكرت العائله والنظام الجديد لازم سجل مدني للطفل عشان التطعيمات لمى طعمت تطعيمة الشهرين قالت لي الممرضه اخر مره نطعم لكي لازم تجيبي سجل مدني للبنت
على بالكن انا راضيه اصيح كل يوم غير الكوابيس اللي تجيني كل ليله

يارب ارحم ضعفي
وابوها والله مهمل ل ابعد حد ......بنته لها سنتين لاهو اللي ضافها بكرت العائله ولا هو اللي كمل تطعيماتها